අමුතු ගිවිසුම 📃 - පහළොස්වෙනි කොටස #writing #story #relaxing

අමුතු ගිවිසුම 📃 - පහළොස්වෙනි කොටස ​ඔහු ඒ ගත් ක්ෂණික අදූරදර්ශී තීරණය ගැන නැවත සිතන්නට පටන් ගත්තා. සමහර වෙලාවට බලහත්කාරයෙන් කඩා වැදුණු ඉෂා හැර වෙන කිසිම කෙනෙකුව ඔහු කැමැත්තෙන් තමා අසලට කැඳවා ගත්තේ නැහැ. ඒත් ආශිව පහල දමා ඒම ගැන යම් දුරකට වැරැද්දක් තමන්ගේ අතේ තිබුණු නිසා ඉෂාන් ඇයට කතා කළා. ​මිනිත්තු කිහිපයකට පසු ඔහුට පිටුපසින් අඩි ශබ්දයක් ඇසුණු අතර, හැරී බලන විට ඉශාන්ට දකින්න ලැබුණේ ඇයට වඩා ප්‍රමාණයෙන් විශාල ස්වෙට්ෂර්ට් එකක් සහ ලිහිල් පිජාමා කලිසමකින් සැරසී, ඇගේ ලස්සන කළු-දුඹුරු පැහැති රැළි වැටුණු කෙස් කළඹ ලිහා දමා සිටි ආශිවයි. ​"මෝඩයා! පහළ මං හිටියේ හරිම අමාරුවෙන්. ඒ කරපු දේට මට ඔයා එක්ක කේන්තියි!" ඉෂාන් කකුල් පහළට එල්ලාගෙන වාඩි වී සිටි ගොඩනැඟිල්ලේ කෙළවර දෙසට හතිලමින් ඇවිද එන අතරතුර ඇය පැවසුවාය. ​"මට ටිකක් තනිවම ඉන්න ඕනේ උනා" ඉශාන් වැනි අයෙකු ඒ වචන පැවසීම බොහෝ දේ අඟවන්නක් විය. ​ඇය ඉෂාන් අසලින් වාඩි වී ඔහුගේ උරහිසට බර වූවාය. ඔවුන් අතර ඇඳුම් ස්ථර කිහිපයක් තිබුණද, ඒ ස්පර්ශයත් සමඟ ඔවුන් දෙදෙනාටම විදුලි සැරක් වැදුණාක් මෙන් දැනුණි. ​"එතකොට මේක තමයි ඔයා පුංචි කාලේ මුළු රෑම වාඩි වෙලා ඉන්න පුරුදු වෙලා හිටපු තැන" කුඩා දිලිසෙන තරු වලින් පිරුණු අහස පමණක් පෙනෙන ඒ වටපිටාව දෙස බලමින් ආශි පැවසුවාය. ඉෂාන් පුදුමයෙන් ඇය වෙත හැරුණි. "ඇය දැනටමත් මේ ගැන දැනගත්තේ කොහොමද?" යන ප්‍රශ්නය ඔහුගේ සිතට නැඟුණි. ආශිද ඇගේ මුහුණේ ආදරණීය පුංචි සිනහවක් රඳවාගෙන ඔහු දෙස බැලීමට හැරුණාය. ​"ඉෂා මට කිව්වා ඔයා ඔයාගේ රාත්‍රී කාලය ගත කරන්නේ මෙතන තමයි කියලා." ​ඉෂා සහ ආශි ඔවුන්ගේ ජංගම දුරකථනවලින් එකිනෙකාට යමක් පෙන්වමින්, එකට සිනාසෙමින් සමීප වන අයුරු මීට පෙර දැක තිබූ නිසා ඔහුට එය වටහාගත හැකි විය. ​ඔහු ඊට එකඟ වෙමින් හිස වැනුවා පමණි. ඔහු කිසිදු වචනයක් කතා නොකළ අතර, ඇය කතා කිරීමට පටන් ගන්නා තෙක්, සෘජුවම වැටෙන සඳ එළිය හමුවේ ආශිගේ දෑස් දිලිසෙන අයුරු බලා සිටිමින් ඒ නිශ්ශබ්දතාවය විඳීය. "ඔයා දන්නවද, මම පොඩි කාලේ මගේ අම්මා මට කියන්න පුරුදු වෙලා හිටියා, ඔයා ඔයාගේ ආදරවන්තයා එක්ක නිශ්ශබ්දව වාඩි වෙලා අහස දෙස බලාගෙන ඉන්න කාලයක් එනවා, ඒ වගේම ඔයාට ඒකෙන් ලොකු සැනසීමක් දැනේවි කියලා." ඔහු කවදා හෝ අසන්නට බලාපොරොත්තු වූ විවිධ අහඹු දේවල් ඔහුට පවසමින් ඇගේ හඬ කෙමෙන් කෙමෙන් නැවතුණි. ​"මේකද ඔයාගේ ආසම තැන?" ඇය ලොකු සිනහවක් පාමින් ඔහු දෙස බැලූ අතර, එයින් ඔහුගේ බැල්ම ඇගේ තොල් පෙති දෙසට යොමු විය. එවිටම ​"ඔව්," ලෙස පමණක් පවසා සිතට නැඟුණු අමුතු සිතුවිලි ඉවතලමින් වහාම ඉශාන් ඉවත බලා ගත්තේය. "ඔයා දන්නවද, මම පොඩි කාලේ හීන මැව්වේ මගේ ළඟින් ෂාරුක් ඛාන් මේ විදිහට වාඩි වෙලා ඉන්න." ආශි ඇය තුළ ෂාරුක් ඛාන් වෙත ඇති ආදරය ගැන මෙන්ම ඔහුගේ පෝස්ටර් එකතු කිරීමට ඇය පුරුදු වී සිටි ආකාරය ගැන දිගින් දිගටම කතා කළාය. ​"මට එයාගේ හැම චිත්‍රපට දර්ශනයක්ම ආයේ ආයේ බලන්න ඕනේ. ඔයා දන්නවනේ, මටත් ඒ වගේ ආදරයක් ලැබෙන්න ඕනේ කියලා. ෂාරුක් සහ කාජල් වගේ ආදරයක්. ඔයා දන්නවද, ඒ දෙන්නා ඇත්තටම විවාහ වෙලා නැහැ කියලා දැනගත්තම මගේ හිත හොඳටම රිදුණා." ඇය තමන්ටම සිනාසුණු අතර, ඉෂාන් ඇය පවසන සෑම වචනයකටම ඉතා උනන්දුවෙන් සවන් දෙමින්, ඇය දෙසම බලා සිටීමේ නිරත විය. ආශි සුසුමක් හෙළා ඉෂාන්ට තවත් සමීප වී, ඇගේ ඉහළින් ඇති අහස දෙස දෑස් යොමු කරගෙන ඔහුගේ උරහිස මත ඇගේ හිස තැබුවාය. ​ඉෂාන්ගේ මාංශ පේශි දැඩි වූ අතර ඔහු සිටි ඉරියව්වෙන්ම පැහැදිලිවම ගල් ගැසුණි. ඔහුගේ උගුර පාදාගත් ඔහු, ආශිගේ හදවත පැහැදිලිවම කැබලි කර දැමීමට සමත් කතාවක් කතා කිරීමට පටන් ගත්තේය. ​"ඔයාට මතකයි නේද මේක ව්‍යාපාරික ගිවිසුමක් විතරයි කියලා?" ​ආශි නළල රැලි කරමින් ඔහු දෙස බලා ඔහුගෙන් ඉවතට ඇදුණාය. ​"මොකක්ද?" ඇය ඇගේ බැම තරමක් එකට ලං කරමින් ව්‍යාකූලත්වයෙන් ඇසුවාය. "අපි ළඟින් ඉන්න හැම වෙලාවකම මම ඔයාගේ කනට කොඳුරලා ආදරණීය වචන කියයි කියලා, නැත්නම් ඔයාගේ අතින් අල්ලලා ආදරෙන් හාදුවක් දෙයි කියලා ඔයා බලාපොරොත්තු වෙනවා නම්, ඔයාට වැරදිලා ආශි. මම ඒ වගේ මෝඩ වැඩ කරයි කියලා කවදාවත් හිතන්නවත් එපා. අපි ඕනෑම කෙනෙක් ඉදිරියේ ඉන්නකොට මට ලෙහෙසියෙන්ම වෙනස් වෙන්න පුළුවන්, හැබැයි අපි දෙන්නා විතරක් තනි වුණාමත් මම ඒ විදිහටම කරයි කියලා බලාපොරොත්තු වෙන්න එපා." ඉෂාන් කිසිදු පැකිලීමකින් තොරව එම රළු වචන පිට කළේ ඉතාම සැහැල්ලු ස්වභාවයකිනි. ​මාසයක් කියන්නේ දිගු කාලයක් නිසා, අවම වශයෙන් ඔවුන්ට එකිනෙකා සමඟ හොඳින් ගැලපී සිටීමට හැකි වුවහොත් එය දෙදෙනාටම පහසුවක් වනු ඇතැයි සිතමින් ආශි තුළ ගොඩනැඟෙමින් තිබූ බලාපොරොත්තු ඒ හැම වචනයකින්ම බිඳී ගියේය. ​"ඕ..." ආශිට තමන්ට දැනුණු දේ ඔහුට පැවසීමට අවශ්‍ය වුවද ඇය නිශ්ශබ්දව සිටියාය. ඒ වෙනුවට ඇය ඔහුගෙන් ඉවතට වී එතැනින් නික්ම ගියාය. ✍️හසිනි ප්‍රේමරත්න #writing #storytime #novels #relaxing #happiness #books #story #booktok