😋😋Mazaidar Saudi dish Mutabbaq (مطبق )🌹❤️

Arabic Dish Mutabbaq ( مطبق ) انگریڈیئنٹس تین پاؤ قیمہ دو میڈیم سائز کے پیاز ایک ٹیبل اسپون لال مرچ ہاف ٹیبل اسپون مسٹرڈ پاؤڈر ایک ٹیبل اسپون نمک ڈیڑھ گلاس پانی تین چھوٹی الائچی ایک بڑی الائچی ایک چھوٹا تیز پات ادرک کا ایک ٹکڑا چار لونگ سات سے آٹھ کالی مرچ ایک سے ڈیڑھ ٹیبل اسپون ٹماٹو پیسٹ ڈیڑھ چمچ کُٹا ہوا لہسن تین ٹماٹروں کی پیوری ہاف کپ مٹر ایک کوئلہ اسموک کے لیے تین پاؤ آلو تین پاؤ بینگن فرائی کے لیے آئل چھ سے سات سبز مرچیں دو سے تین ٹماٹر کے ٹکڑے بہت سارا تازہ ہرا دھنیا دو چمچ خشک دھنیا ڈیڑھ چمچ سفید زیرہ ایک بڑا چمچ کالی مرچ ایک چکن کیوب آدھا کپ گرم پانی طریقہ سب سے پہلے ایک پتیلے میں قیمہ ڈالیں۔ اس میں پیاز، لال مرچ، مسٹرڈ پاؤڈر، نمک، پانی اور تمام کھڑے مصالحے شامل کر کے اچھی طرح مکس کریں اور درمیانی آنچ پر تقریباً پندرہ منٹ پکنے دیں تاکہ قیمہ اچھی طرح گل جائے۔ اب آلو اور بینگن کو موٹے ٹکڑوں میں کاٹ لیں۔ ایک کڑاہی میں آئل اچھی طرح گرم کریں اور پہلے آلو کو تیز آنچ پر ہلکا گولڈن ہونے تک فرائی کریں، پھر بینگن کو بھی اسی طرح فرائی کریں۔ ان کو مکمل نہیں پکانا بلکہ تقریباً ستر فیصد تک پکانا ہے۔ فرائی ہونے کے بعد سائیڈ پر رکھ دیں۔ جب قیمے کا پانی کافی حد تک خشک ہو جائے تو اس میں ٹماٹو پیسٹ اور کُٹا ہوا لہسن شامل کریں۔ ڈھک کر کچھ دیر مزید پکائیں تاکہ لہسن اچھی طرح بھن جائے۔ پھر ٹماٹروں کی پیوری شامل کریں اور دوبارہ ڈھک دیں۔ جب پانی خشک ہو جائے تو قیمے کو اچھی طرح بھونیں یہاں تک کہ آئل الگ ہونے لگے۔ اب اس میں مٹر شامل کریں اور چند منٹ مزید بھونیں تاکہ مٹر بھی نرم ہو جائیں۔ پھر کوئلے کی مدد سے اس کو اسموک دیں اور پانچ منٹ کے لیے چھوڑ دیں تاکہ بہترین دھواں دار خوشبو آ جائے۔ اب ایک گہرے پتیلے یا ڈش میں سب سے پہلے ٹماٹر کی لئیر لگائیں۔ اس کے اوپر آلو کی لئیر، پھر بینگن کی لئیر اور پھر قیمے کی لئیر لگائیں۔ اوپر سے سبز مرچیں، ٹماٹر کے ٹکڑے اور ہرا دھنیا ڈالیں۔ خشک دھنیا، سفید زیرہ اور کالی مرچ کو گرائن کر کے اسپیشل مصالحہ تیار کریں اور اس کو اوپر چھڑک دیں۔ اسی طرح دوبارہ دوسری لئیر لگائیں۔ آخر میں بچا ہوا سارا قیمہ اوپر ڈال دیں۔ پھر باقی سبز مرچیں، ٹماٹر، ہرا دھنیا اور مصالحہ شامل کریں۔ چکن کیوب کو گرم پانی میں گھول کر ڈش کے اوپر ڈال دیں۔ اب پتیلے کو ڈھک کر تقریباً پندرہ منٹ ہلکی آنچ پر دم دیں۔ پندرہ منٹ بعد خوشبودار، مزیدار اور کلرفل عربک متبک تیار ہے۔ اس کو مکس نہیں کرنا بلکہ سائیڈ سے نکال کر سرو کریں تاکہ اس کی خوبصورت لئیرز برقرار رہیںb۔