13. Ուշադրության մահաբեր շեղումներ

1. ինչ է նշանակում անուշադիր մեքենավարումը, և ինչու է այն վտանգավոր. 2. ինչու է մեքենավարման ընթացքում տարբեր գործերով զբաղվելու հնարավորությունը անհիմն պնդում. 3. ղեկի առաջ կենտրոնացած մնալու միջոցներ:  Թաքնված սպառնալիք Չնայած հարաճուն փաստերին, որոնք ուշադրության շեղումները կապում են վտանգավոր մեքենավարման հետ՝ դեռևս չափազանց շատ ավտովարորդներ են անուշադիր լինում ղեկի առաջ նստած: Նրանք մեքենավարումը համատեղում են այլ գործերի հետ, որովհետև կարծում են, թե կարող են զբաղվել միանգամից մի քանի գործով, իսկ շարժական կապի տեխնոլոգիաներով պատրաստված սարքերը միայն մեծացնում են գայթակղությունը: Թեև միայն ուշադրության շեղումները չեն կարող ընդհարումների պատճառ դառնալ, անուշադիր վարորդները լուրջ սխալներ են գործում, որոնք նշանակալիորեն մեծացնում են բախումների վտանգը:  Ի՞նչ է անուշադիր մեքենավարումը: Անուշադիր մեքենավարումը մեքենավարմանը չառնչվող ցանկացած գործունեություն է, որով զբաղվելու համար վարորդներն իրենց ձեռքերը հեռացնում են ղեկից, աչքերը՝ ճանապարհից, կամ միտքը՝ մեքենավարումից: Բջջային հեռախոսները ուշադրությունը շեղող միակ հանգամանքը չեն, որոնք ազդում են վարորդների վրա. նույնիսկ հասարակ գործողությունները կարող են խանգարել տրանսպորտային միջոցը անվտանգ վարելու կարողությանը, ներառյալ՝ o ուտելը կամ խմելը. o իր արտաքինին հետևելը. o մեքենայի կառավարման տարրերը կամ նավիգացիոն սարքերը կարգաբերելը. o ժամանցային սարքերով բզբզալը. o ուղևորների հետ խոսելը:  Տարբեր գործերով զբաղվելու հնարավորության անհիմն պնդումը Երբ վարորդները փորձում են «միաժամանակ զբաղվել տարբեր գործերով», նրանց միտքը մի գործունեությունից արագորեն անցնում է մեկ ուրիշին, որովհետև նրանք կարող են կենտրոնանալ միաժամանակ միայն մեկ առաջադրանքի վրա: Արդյունքում ամեն անգամ, երբ մեր ուղեղին հանձնարարում ենք զբաղվել մեքենավարմանը չառնչվող մեկ այլ գործունեությամբ, բախման վտանգը մեծանում է: Նկատի ունեցեք հետևյալը՝ 50 կմ/ժ արագությամբ ընթանալիս աչքը ճանապարհից մեկ վայրկյանով կտրելը հավասարազոր է մեքենան փակ աչքերով մոտավորապես 15 մետր վարելուն:  Զանգահարումը՝ աղետ Հաջորդ անգամ, երբ մեքենան վարելիս պատասխանեք տեքստային հաղորդագրությանը կամ խոսեք հեռախոսով, կարող է լինել վերջինը: Բջջային հեռախոսները ձեր աչքերը կտրում են ճանապարհից, իսկ ձեռքերը՝ ղեկից, մինչդեռ հեռախոսով խոսելը թուլացնում է տեղեկույթ մշակելու ունակությունը: Երբ միաժամանակ մեքենա եք վարում և օգտվում եք բջջային հեռախոսից, դուք մինչև 4 անգամ մեծացնում եք ընդհարվելու հավանականությունը, մինչդեռ տեքստային հաղորդագրումը բախման վտանգը մեծացնում է մինչև 23 անգամ:  Համակ ուշադրություն է պահանջվում Մեքենավարումն արդեն իսկ զբաղեցնում է ուղեղի չորս հատված, ուստի վարորդները լրացուցիչ առաջադրանքներով աճպարարություն անելու տեղ այլևս չունեն: Սխալ որոշումներն ու վատ սովորությունները վտանգի են ենթարկում յուրաքանչյուրին, ուստի մեքենավարմանը մի վերաբերվեք որպես պարապ ժամանց: Անվտանգ ճանապարհորդելն ու ողջ մնալը անպտուղ զբաղմունք չեն. դրանք յուրաքանչյուր վարորդի պարտականությունն են: Վիճակագրությունը  Ամեն մի վայրկյանը վճռորոշ է Տրանսպորտային միջոցների ընդհարումների մինչև 80%-ը կապված է վարորդի անուշադրության որևէ տեսակի շեղման հետ:  Ուշադրությունը շեղող զրույցներ Բջջային հեռախոսով խոսակցությունները մինչև 50%-ով նվազեցնում են ուղեղի՝ մեքենավարման հետ կապված աշխատանքը:  Բջջային հեռախոսները՝ ալկոհոլի հետ համեմատած Բջջային հեռախոսներ օգտագործող վարորդների ռեակցիան մինչև 30%-ով ավելի դանդաղ է, քան արյան մեջ ալկոհոլի 0,08% պարունակություն ունեցող վարորդներինը: