ವಿಷಯ: ಮೈಸೂರಿನ ಪರಿಸರ,ಕೆರೆಗಳ ರಕ್ಷಣೆಯಲ್ಲಿ ನಾಗರಿಕರ ಹೊಣೆಗಾರಿಕೆ

ವಿಷಯ: ಮೈಸೂರಿನ ಪರಿಸರ,ಕೆರೆಗಳ ರಕ್ಷಣೆಯಲ್ಲಿ ನಾಗರಿಕರ ಹೊಣೆಗಾರಿಕೆ ಭಾಗವಹಿಸಿದವರು : ಮೇ. ಜ ಸುಧೀರ್ ಒಂಬತ್ಕೆರೆ ,ಪರಶುರಾಣೆಗೌಡ, ಯು. ಎನ್ ರವಿಕುಮಾರ್, ಡಾ. ಚಂಪಾ ಎಚ್. ಎಸ್. ಡಾ. ಚಂಪಾ ಎಚ್. ಎಸ್ ಕಾರ್ಯಕ್ರಮವನ್ನು ಪ್ರಾರಂಭಿಸುತ್ತಾ ಮನುಷ್ಯ ತನ್ನ ಆಸೆಗಳನ್ನು ಪೂರೈಸಿಕೊಳ್ಳಲು ಪ್ರಕೃತಿಯನ್ನು ದುರ್ಬಳಕೆ ಮಾಡಿಕೊಳ್ಳುತ್ತಿರುವುದು ಹೆಚ್ಚಾಗಿ ಕಂಡುಬರುತ್ತಿದೆ ಎಂದರು. ಭಾರತೀಯ ನಾಗರಿಕರು, ಸಂವಿಧಾನವಾದಿ, ಹಾಗೂ ಪರಿಸರ ಪ್ರೇಮಿಯಾದ ಮೇ.ಜ.ಸುಧೀರ್ ರವರು ಮಾತನಾಡಿ ರಸ್ತೆ, ಕಟ್ಟಡಗಳು, ನದಿ, ಸೇತುವೆ ಇವುಗಳೆಲ್ಲವೂ ನಾಗರಿಕರ ಆಸ್ತಿಯಾಗಿದ್ದು, 51AG ವಿಧಿಯ ಕಾಯ್ದೆಯ ಪ್ರಕಾರ ನೈಸರ್ಗಿಕ ಪರಿಸರವನ್ನು ಸಂರಕ್ಷಿಸುವುದು ಮತ್ತು ಅಭಿವೃದ್ಧಿಗೊಳಿಸುವುದು ಪ್ರತಿಯೊಬ್ಬ ನಾಗರಿಕನ ಮೂಲಭೂತ ಕರ್ತವ್ಯ. ಹಾಗೂ 48A ವಿಧಿಯ ಕಾಯ್ದೆಯ ಪ್ರಕಾರ ಪರಿಸರವನ್ನು ರಕ್ಷಿಸುವುದು ಮತ್ತು ಸುಧಾರಿಸುವುದು ಸರ್ಕಾರದ ಕರ್ತವ್ಯ ಹಾಗೂ ಹೊಣೆಗಾರಿಕೆಯಾಗಿದೆ. ಪರಿಸರದ ಬದಲಾವಣೆ ತಿಳಿದು ಬರುವುದೇ ಪ್ರಾಣಿ ಪಕ್ಷಿಗಳಿಂದ, ಕಾಲ ಮೀರುವುದಕ್ಕಿಂತ ಮುಂಚೆ ನಿರ್ಧಾರ ತೆಗೆದುಕೊಂಡು ಪರಿಸರ ಸಂರಕ್ಷಣೆ ಮಾಡುವುದು ಉತ್ತಮ. ಕೆರೆಗಳು ಮನರಂಜನೆಗಳಿಗಲ್ಲ, ಸೂಕ್ಷ್ಮ ಪರಿಸರವನ್ನು ಕಾಪಾಡುವುದು ನಮ್ಮೆಲ್ಲರ ಕರ್ತವ್ಯ ಎಂದು ರವಿಕುಮಾರ್ ರವರು ಅಭಿಪ್ರಾಯಪಟ್ಟರು. ಕೆರೆಗಳು ಪರಿಸರದ ಅಂಗ ಎಂದು ಹೇಳಿದ ಪರಶುರಾಮಗೌಡರು ತಮ್ಮ ಕೆಲಸದಲ್ಲಿ ಸ್ವಯಂ ನಿವೃತ್ತಿಯನ್ನು ಪಡೆದವರು ಪರಿಸರದ ಸಂರಕ್ಷಣೆಯನ್ನು ಮಾಡುವ ನಿಟ್ಟಿನಲ್ಲಿ ಹೋರಾಡಿದರು. ಅತಿವೃಷ್ಟಿ ಅನಾವೃಷ್ಟಿ ಭೂಕಂಪ ಎಲ್ಲವೂ ಮನುಷ್ಯನ ಪ್ರಕ್ರಿಯೆಯಿಂದ ನಡೆಯುತ್ತಿದೆ. ಇದಕ್ಕೆ ಪರಿಸರ ಚಳುವಳಿ ಮುಖ್ಯ ಎಂದು ಪರಿಸರ ಸಂರಕ್ಷಣೆಗೆ ಮುಂದಾಗಿದ್ದಾರೆ. ಹಕ್ಕುಗಳನ್ನು ಹೇಳುವುದಷ್ಟೇ ಅಲ್ಲದೆ ಜವಾಬ್ದಾರಿಯನ್ನು ನಿಭಾಯಿಸುವುದೇ ಮೂಲ ನಾಗರಿಕರ ಕರ್ತವ್ಯ. #MysuruLitFest2026 #MysuruLitFest #LiteratureFestival #Books #Authors #FestivalOfWords #Mysuru #MysuruBooksClubsCharitableTrust #MLF2026 #MysuruLiteratureFestival