Khit Thit Afternoon News | 2 July 2026

Khit Thit သတင်းဌာန၏ ဇူလိုင် ၂ ရက် နေ့လယ် ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -ရန်ကုန်မြို့ပေါ်က တောင်ဥက္ကလာပမြို့နယ်နဲ့ သာကေတမြို့နယ်မှာရှိတဲ့ ဗိုလ်ချုပ်အောင်ဆန်း ကြေးရုပ်တွေကို အကြမ်းဖက် စစ်တပ်နဲ့ စည်ပင်က ဘက်ဟိုးတွေ ၊ မြေကော်စက်တွေနဲ့ ညအချိန်ကြီးမှာပဲ အစအန မကျန်အောင် ဖြိုချဖျက်ဆီးသွားတယ်လို့ ဒေသခံပြည်သူတွေက ပြောပါတယ်။ မြန်မာနိုင်ငံမှာ အကြမ်းဖက် စစ်တပ်ရဲ့ ပုပ်ပွနံစော်နေတဲ့ ငြိမ်းချမ်းရေးဆိုတာဟာ သူတို့စစ်တပ်ရဲ့ အာဏာရှင်အတွေးအခေါ်တွေမပြောင်းသရွေ့ သူတို့ပြောတဲ့ ရက်ပေါင်း ၁၀၀ ကျော်လို့ ကမ္ဘာ ဆယ်သိန်းမက ကာလအထိ အောင်မြင်နိုင်စရာမရှိဘူးလို့ KNU ပြောခွင့်ရ ပဒိုစောတောနီး က ပြင်းပြင်းထန်ထန်ပြောဆိုလိုက်ပါတယ်။ မကွေးတိုင်း၊ ချောက်မြို့နယ်မှာ အကြမ်းဖက် စစ်တပ် စစ်ကြောင်းတွေကို တော်လှန်ရေးတပ်တွေက တိုက်ခိုက်ခြေမှုန်းမှုတွေအတွင်း စစ်တပ်ဘက်က ၁၀ ဦးကတော့ အသီးသီး သေကုန်ကြတဲ့အပြင် တိုက်ပွဲဖြစ်ပွားရာနေရာကနေ သေနတ် ၂ လက်နဲ့ ခဲယမ်းတွေပါ သိမ်းဆည်းရရှိထားသေးတယ်လို့ ပြည်သူ့ကာကွယ်ရေးတပ်မတော် (PDF) စစ်ရုံးချုပ် က ထုတ်ပြန်ထားပါတယ်။ အမေရိကန်သမ္မတ ထရမ့်က Cryptocurrency လုပ်ငန်းကနေ ဒေါ်လာ ၁ ဒသမ ၂ ဘီလီယံ ဝင်ငွေရရှိမှုနဲ့ ပတ်သက်တဲ့ ဝေဖန်မှုတွေကို စတော့ဈေးကွက်တက်လို့ အမြတ်ရတာဖြစ်တဲ့အကြောင်း တုံ့ပြန်ပြောဆိုလိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။