ပြည်သူ့ဆန္ဒကို ဆန့်ကျင်ပြီး မြစ်ဆုံစီမံကိန်း လုပ်ဖို့ပြင် (ရုပ်/သံ)

ဧရာဝတီ၊ ဇွန် ၃၀၊ ၂၀၂၆ တနိုင်ငံလုံးက ပြည်သူတွေရဲ့ ဝိုင်းဝန်းကန့်ကွက်မှုတွေကြောင့် ၁၄ နှစ်ကျော်ကြာ ရပ်နားထားခဲ့ရတဲ့ ဧရာဝတီမြစ်ဆုံစီမံကိန်းကို အမြန်ဆုံးပြန်လည်စတင်ဖို့ ပြင်ဆင်နေပြီဖြစ်ကြောင်း အာဏာသိမ်း အစိုးရလက်အောက်ခံ ကချင်ပြည်နယ်အစိုးရအဖွဲ့က အတည်ပြုလိုက်ပါတယ်။ ဒီစီမံကိန်းကို ၈ နှစ်ခွဲအတွင်း အပြီးသတ်တည်ဆောက်သွားမှာဖြစ်ပြီး အကောင်အထည်ဖော်ဖို့အတွက် တရုတ်နိုင်ငံနဲ့လည်း သဘောတူညီချက် ရရှိထားပြီးဖြစ်တယ်လို့ ပြည်နယ်ဝန်ကြီးချုပ် ဦးခက်ထိန်နန်က ဇွန်လ ၂၃ ရက်နေ့၊ မီးရထားလမ်းပိုင်းစစ်ဆေးမှုခရီးစဉ်အတွင်း ထည့်သွင်းပြောကြားခဲ့တာ ဖြစ်ပါတယ်။ ဒါ့အပြင် အာဏာသိမ်းအစိုးရရဲ့ ညွှန်ကြားချက်နဲ့ ဖွဲ့စည်းထားတဲ့ "ဧရာဝတီမြစ်ဆုံ - မြစ်ညာ မြစ်ဝှမ်း ရေအားလျှပ်စစ်စီမံကိန်းဆိုင်ရာ အထောက်အကူပြုရေးကော်မတီ" ရဲ့ လုပ်ငန်းအဖွဲ့ခေါင်းဆောင် ဦးဂျန့်ခုန်ကလည်း စီမံကိန်းကို အမြန်ဆုံးပြန်လည်စတင်နိုင်ဖို့အတွက် ကြိုးပမ်းနေတယ်လို့ ဧရာဝတီကို အတည်ပြုပြောဆိုထားပါတယ်။ စစ်အာဏာရှင် ဦးသန်းရွှေလက်ထက် ၂၀၀၉ ခုနှစ်မှာ တရုတ်နိုင်ငံနဲ့ စတင်စာချုပ်ချုပ်ဆိုခဲ့ပေမယ့် ပြည်သူလူထုရဲ့ တခဲနက်ကန့်ကွက်မှုတွေကြောင့် ဦးသိန်းစိန်အစိုးရလက်ထက်ကစပြီး NLD အစိုးရလက်ထက်ထိ ပြည်သူလူထု အသံနားထောင်ပြီး ဆယ်စုနှစ်တခုကျော်ကြာ ရပ်ဆိုင်းထားခဲ့ရတာပါ။ #မြန်မာ #ဧရာဝတီ #မြစ်ဆုံစီမံကိန်း #တရုတ် #သန်းရွှေ #WhatsHappensInMyanmar