LV真系癲咗！起訴國家知識產權局！呢鋪博到盡，想推翻裁定，擴大佢嘅獵殺範圍，賺取更大利益。拿抄襲的中國文化，反過來起訴中國企業，貪婪醜惡的嘴臉展露無遺！#LV #LV花紋 #LV版權

LV告國家知識產權局？無聽錯呀，朋友們！唔系告啲小商家，系直接將中國最高知識產權行政機關推上法庭，法國奢侈品巨頭LV，選擇喺中國嘅法庭 同中國知識產權權威機構正面交鋒。呢鋪仲要唔系第一次，系第6次喇！之前5次佢贏咗3場，輸咗2場，點解仲要嚟？因為國家知識產權局審查之後話，LV嗰個四葉花卉商標包含傳統公有紋樣，顯著性有限，唔可以過度擴大保護範圍。LV梗系唔接受啦，佢要嘅唔系一兩個官司嘅勝利，有律師接受訪問時講得好白，LV告國家知識產權局就係為咗以後相關商標維權掃清障礙。即系話呢，一旦國家知識產權局嘅行政結論生效，以後LV喺中國維權嘅勝訴機會就會大幅插水，以前獵殺嘅成果都會慢慢失效。所以LV呢鋪博到盡，就系想推翻呢個裁定，擴大佢嘅獵殺範圍，賺取更大嘅利益。 呢場官司已經唔再系法國品牌同中國小商家嘅牙齒印，而系一場針對中國行政機關嘅訴訟戰。LV屢戰屢勝，利用嘅正正就系中國對知識產權嘅尊重、中國司法嘅高效率、中國法院嘅高賠償額度。根據企查查數據，近五年LV喺中國發起嘅商標維權訴訟高達1691宗，單單今年上半年就新增咗56宗。由新茶飲茉莉奶白被判賠1030萬元，到南京一間已經執咗笠嘅古風餐吧，因為牆身用咗類似圖案俾人告，再到街邊鴨血粉絲店，LV嘅訴訟版圖根本就冇邊界。最令人心寒嘅系，有啲中國律師事務所竟然置法理爭議於不顧，置情理於不顧，為咗賺取更大比例嘅風險代理分成，心甘情願做外企獵殺中國企業嘅打手。一鍵搜尋，全部獵殺，無論大企業定小商戶，無論你賺錢定蝕到趴街，呢啲律所攞住中國企業當靶，幫外國品牌喺中國市場掃雷，賺嘅就系中國人告中國人嘅錢。 不過今次LV可能真系踢到鐵板喇。國家知識產權局嘅裁定好清晰，黃明耀嘅商標根本唔構成對LV嘅侵權。國知局認定LV嘅四葉花卉商標包含傳統公有紋樣，顯著性有限，唔支持過度擴大跨類保護。講白啲，國知局覺得LV嘅老花商標唔系乜嘢都可以霸住曬，LV唔服，於是選擇同中國最高知識產權行政機關喺法庭上正面對撼。呢場官司嘅意義遠遠超過一個商標嘅爭拗，而系關乎LV喺中國維權嘅核心武器——嗰個四葉花，一個由中國傳統紋樣搬出嚟嘅圖案，一個起源於中國嘅紋樣，俾法國品牌註冊咗做商標，跟住反過嚟告中國企業侵權。LV呢種做法，本質上就系食碗面反碗底，喺中國市場賺到笑，卻用喺中國註冊嘅商標告中國企業，告中國嘅國家知識產權局。佢哋唔止系維護商標權，直情系用緊中國嘅法律、中國嘅司法資源去圍獵中國嘅市場主體。 包括中國在內嘅亞洲市場，占LV集團總營收嘅32%，呢個龐大嘅市場基本盤令品牌有底氣承受短期嘅輿論逆風，去鞏固自己嘅知識產權護城河。但系今次國家知識產權局冇讓步，呢個系對公共文化資源唔可以被私有化原則嘅堅持。法院嘅審理應該要徹底釐清，釐清傳統紋樣嘅公共屬性，釐清商標權嘅合理邊界，釐清外國品牌喺中國可以獵殺到乜嘢程度。中國嘅法律唔應該再縱容佢喇，長痛不如短痛。與其俾LV一次過又一次將中國企業同行政機構告上法庭，不如借呢鋪官司做一次徹底嘅了斷，將屬於公共文化嘅還畀公共文化，將屬於合理維權嘅還畀合理維權，將屬於惡意訴訟嘅擋喺門外。要令LV明白，中國嘅知識產權制度保護創新，唔保護壟斷；保護合法權益，唔保護文化掠奪。所以今次不如同LV做個了斷，乾脆利落！ 講起LV之前告茉莉奶白商標侵權，揪贏咗1000萬，話人哋個商標侵權、圖標抄襲佢個驢標，法理上你贏咗就贏咗啦，點知仲要茉莉奶白全網道歉，咁感情上大家就唔會撐你啦。LV呢鋪個朵真系臭曬，之前Dior就試過照搬挪用漢服馬面裙，出咗條盛惠3800美元嘅裙，個朵已經臭過一次，今次仲犀利，由我哋度抄嘅四瓣花靈紋、柿蒂紋，最後變咗LV口中嘅老花，仲變埋經典，搞到好似呢啲圖案系法國文化一部份咁，註冊個商標就代表系你嘅？大佬，基本上大家見慣見熟嘅紋樣，古人日日都用緊，一直都系中國傳統紋樣，好似戰國方花紋、棗花紋、唐代刺檀木花草琵琶上面嗰個四瓣花翎紋等等。尤其系柿蒂紋，早喺戰國、漢代嘅銅鏡入邊已經有曬證據。 其實柿蒂紋喺戰國時期嘅本名叫方花，柿蒂紋只系方花紋嘅一種，所以應該叫方花紋出嘅銅鏡。方花喺戰國銅器上面嘅體現，樣式非常豐富，各式各樣都有。到咗漢代呢，更加將方花紋用到更多場景，好似西漢彩繪漆連上面嘅紋樣，仲有湖北江寧出土嘅雙鳳紋耳杯上面，一眼望過去就系經典嘅方花紋。除咗呢啲呢，古人仲將紋樣用喺穿搭設計上，服裝設計都玩得出神入化，好似故宮博物館嘅唐三彩女傭，上面啲紋樣清晰可見。咁我想問啦，LV系咪要連呢個早喺1000年前就着上身嘅紋樣都告埋？仲有故宮博物館典藏咗，系咪要連博物館都告埋？實在唔得呢，你連天然氣蓋都告埋佢啦，上面全部都系四葉草。頭先講嘅都只系千年前早期對紋樣嘅運用，仲未講各類建築形態設計，好多都參考咗傳統紋樣，經典嘅蘇州園林，好容易就搵到相關紋樣設計，門呀、窗呀，全部都系。當然啦，大家印象中四葉形態紋樣最熟悉嘅，應該就系出現喺廁所瓷磚上面，仲有啲老式建築嘅窗花，都系呢類紋樣。 所以無論從邊個時代睇呢，大眾睇到呢種四葉形態紋樣，一般意義上聯想到嘅都唔會系LV囉，一個奶茶，一個奢侈品，完全唔同嘅品類，更加冇證據直接證明睇到茉莉奶白個圖標會令人聯想到抄LV。LV自己本身個設計就同我哋傳統紋樣勁似，相似嘅結果反而其他人同你相似就話侵權，LV自己同古人相似就冇事？查實LV喺外國都輸過唔少官司，好似LV棋盤格，歐盟法院就裁定方格花紋缺乏顯著獨特性，冇辦法俾單一品牌壟斷，之後LV就俾人強制取消相關商標。2017年LV告美國HM侵權，又系棋盤格，結果法庭認定只系用基礎格子，冇LV經典組合元素，唔構成侵權，又敗訴。日本商家用棋盤格紋都俾LV告過，但都系敗訴收場。當然啦，佢哋都有好多勝訴嘅案例，大嘅成千萬，細嘅幾萬蚊侵權費都一大堆，可以話但凡有少少似嘅都告。你可以話侵權問題要處理，但呢啲通用基礎圖案，最後應該都會被認定為無效啩？總唔可以第日註冊咗個漢字商標，大家寫字都要交漢字稅啩？ 不過呢次LV告茉莉奶白商標侵權，就算揪贏咗拎到1000萬，喺國內都系輸到一地眼鏡碎，鬧到滿城風雨。公眾普遍認知入面呢，LV呢鋪做得好唔實在，正面效果冇，反而品牌負面輿論一大堆。反而茉莉奶白俾LV告一告呢，直接破圈，呢個效果唔系一千萬、兩千萬營銷費可以做到，甚至掉幾億落去都未必有咁嘅迴響。四葉紋樣咁常見，普通人邊個會將LV同茉莉奶白杯奶茶聯想埋一齊呀？而家唔止有，未來幾年互聯網，大家聽到LV，自動會浮現茉莉奶白杯奶茶個樣。再加上茉莉奶白仲可以繼續上訴，向住商標無效嘅方向進發。我建議呢鋪官司打得幾耐得幾耐，因為呢個系公共高熱點事件，一般民眾情感上一定企喺茉莉奶白嗰邊，每次開庭，輿論場實上熱搜，就算呢一千萬賠償當交學費，都完全唔會蝕底。反而LV咁樣搞法，令到大家對佢完全祛魅，因為呢種行為真系夠曬好笑囉。LV以為自己告贏曬全世界，點知今次可能真系踢到自己嘅腳趾公，痛到入心入肺呀！