LUNGNOPNA II TUMGING AW HUAL

NILAINI JULY 22 LATE 30:4-12 Ka thumna leh ka taunate laamna tawh nong heisak hi. [LATE 30:11] LUNGNOPNA II TUMGING AW-HUAL ဝမ်းမြောက်ခြင်းစည်းချက်များ RHYTHMS OF JOY Tumging lamsang mihingte’ phawktheihna pen ngeina tungah ahkl. pianpih tungah bangzah ciang kinga cih kantelna kinei hi. Naungek suaktuungte’ gei-ah khuang (drum) tumna tawh khuak ii nasep etcikna set khat thuah uh hi. Tua khuang tumna ah tahkhat cih bang halzel uh hi. Lamdang a sak thu uhah tua bangin a kihal ciangin set tunga tuihual banga kilak khuak nasepna limte pen hong khawl hi. Cihnopna ah naungekte in tumging awhual a tah kihalna a om ciangin a ginkik ding hun lametin ngak cihna ahi hi. Hih kantelna pan Pasian in lamdang taka mihing a piansakna thu hong phawksak hi. Tumging a kici khuttawi khat a pom thei dingin leh lungdamna tawh a dawntuah thei dingin hong bawl hi. David in Late 30 ah a gelh mah bangin Pasian hehpihna thu pen ei’ phuantawm tumging ahi “Ama’ min siangtho phatna lasakna” tawh i dawntuah hi (tg.4). Himahleh natna, gimna, dahna leh khasiatna cihte in i lungsim tha hong kiamsakin phatna late nangawn hong sasakzo lo thei hi. David in lamet beina leh sih ding lauhuaina dong a tuah laitak suahtak nading Pasian ko a, “Ka sihna ah bang meetna om ahi hiam? Leivui in nang hong phat ding ahi hiam?” ci hi (tg.9). David in Pasian’ ciamkipna ngahkha takpi-in Pasian in ama’ “thumnate laamna tawh” heisakin “lungdamna puan bangin” a silhkik ciangin a lungdamna ngah kik hi (tg.11). Pasian in i lungsim natna hong damsakin i pianpihin laam nadinga i ngah lungdamna ii tumging awhualte tawh hong dip ciangin ei’n zong “Topa ka Pasian aw, nangma’ tungah lungdamna ka hong ko tawntung ding hi” i cithei ding hi (tg.12). MONICA LA. ROSE Tumgingte in Pasian’ hehpihna i phattheih na’ngin hong bangci huh hiam? Pasian in na thumnate laamna tawh hong bangci heisak hiam? Hehpihna Pasian, ka nisim nuntakna ah lametna, lungnopna leh a thak nuntakna nong guat manin ka nuam hi. KUMTAWN LAI SIANGTHO|LATE 31-32; SAWLTAK 23;16-35