Khit Thit Afternoon News | 8 July 2026

Khit Thit သတင်းဌာန၏ ဇူလိုင် ၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၈ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ နိုင်ငံခြားငွေတွေ အများကြီး သုံးစွဲနေရတာကြောင့် စက်သုံးဆီနဲ့ စားသုံးဆီတွေကို ပြည်ပကနေ တင်သွင်းတာတွေကို ထပ်ပြီးလျှော့ချဦးမယ်လို့ အကြမ်းဖက် မင်းအောင်လှိုင်က ထပ်မံပြောလိုက်ပါတယ်။ အာဆီယံအထူးကိုယ်စားလှယ်နဲ့ ဖိလစ်ပိုင်နိုင်ငံခြားရေး ဝန်ကြီး မာသရီဆာ လာဇာရို ကို နိုင်ငံတော် အတိုင်ပင်ခံ ဒေါ်အောင်ဆန်းစုကြည်နဲ့ တွေ့ဆုံခွင့်မပြုဖို့ မြန်မာစစ်တပ်က ငြင်းဆိုလိုက်တာဟာ အာဆီယံရဲ့ မြန်မာနိုင်ငံဆိုင်ရာ ဘုံသဘောတူညီချက် ကို ချိုးဖောက်တဲ့ လုပ်ရပ်ဖြစ်တယ်လို့ အာဆီယံလွှတ်တော် အမတ်များအဖွဲ့ -(APHR) က ဇူလိုင် ၇ ရက်နေ့မှာ ပြင်းထန်စွာ ရှုတ်ချလိုက်ပါတယ်။ MDY-PD အထူးလှုပ်ရှားတပ်မ က ၄ လတာ ပြန်လည်စုဖွဲ့လေ့ကျင့်မှု ပြီးမြောက်၊ မိတ်ဖက်အဖွဲ့တွေ နှင့်အတူ စစ်ဆင်ရေးတွေ အပြည့်အဝ ဖော်ဆောင်မယ်လို့ အသိပေးလာပြန်ပါတယ်။ -အမေရိကန်စစ်တပ်က ဟော်မုဇ်ရေလက်ကြားအတွင်း ကုန်တင်သင်္ဘောများ တိုက်ခိုက်ခံရမှုကို တုံ့ပြန်သည့်အနေဖြင့် အီရန်နိုင်ငံအပေါ် စစ်ရေးတိုက်ခိုက်မှု အသစ်တွေ စတင်လုပ်ဆောင်ခဲ့တယ်လို့ ထုတ်ပြန်လိုက်တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။