Khit Thit Morning News | 8 July 2026

Khit Thit သတင်းဌာန၏ ဇူလိုင် ၈ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၈ ရက် မနက်ပိုင်း တင်ဆက်ပေးမယ့် သတင်းတွေကတော့ -အကြမ်းဖက် စစ်ခေါင်းဆောင် မင်းအောင်လှိုင်က တရုတ်နဲ့ အိန္ဒိယခရီးစဉ်အတွင်း သူ့သား အောင်ပြည့်စုံ ဦးဆောင်လုပ်ကိုင်နေတဲ့ ပြင်ဦးလွင် ရတနာပုံမြို့သစ်စီမံကိန်းမှာ လာရောက်ရင်း နှီးမြှုပ်နှံ ဖို့ တရုတ်နဲ့ အိန္ဒိယလုပ်ငန်းရှင်တွေကို ကိုယ်တိုင်ဖိတ်ခေါ်ခဲ့ပေမယ့် ခရီးစဉ်ပြီးနောက် ရက်ပေါင်း ၂၀ နီးပါးကြာလာတဲ့အထိ ရင်းနှီးမြှုပ်နှံဖို့ ဆက်သွယ်လာသူ တစ်ဦးတစ်ယောက်မှ မရှိသေးဘူးလို့ UMFCCI နဲ့ နီးစပ်တဲ့ သတင်းရင်းမြစ်က ရန်ကုန်ခေတ်သစ်သတင်းဌာနကို ပြောပါ တယ်။ -ဧရာဝတီတိုင်း၊ ရေကြည်မြို့နယ်မှာရှိတဲ့ စစ်တပ်ရဲ့ ၂၂၇ ပွိုင့်ကုန်း ကာကင်းစခန်း ၂ ခုကို အာရက္ခ တပ်တော် (AA) က သိမ်းပိုက်ခဲ့ပြီးနောက် ထွက်ပြေးသွားတဲ့ စစ်သားတွေကို ဆက်လက်လိုက် လံတိုက်ခိုက် ရာမှာ စစ်သားအလောင်းတွေနဲ့ လက်နက်ခဲယမ်းတွေ ထပ်မံသိမ်းဆည်းရမိခဲ့တယ်လို့ အာရက္ခတပ်တော်ရဲ့ သတင်းနဲ့ ပြန်ကြားရေးဌာနက ထုတ်ပြန်ပါတယ်။ -စစ်ကောင်စီက အသက် ၁၈ နှစ်မပြည့်သေးတဲ့ ကလေး ၁၁၃ ဦးကို မိဘတွေဆီ ပြန်လည်အပ်နှံခဲ့ တယ်လို့ ထုတ်ပြန်ထားပေမယ့် မြေပြင်မှာတော့ အသက်မပြည့်သေးတဲ့ ကလေးတွေကို စစ်သားအဖြစ် အဓမ္မစုဆောင်းအသုံးပြုနေတာ ဆက်ရှိနေဆဲဖြစ်ပြီး အဲဒီထုတ်ပြန်ချက်ဟာ ဝေဖန်မှုတွေကို ဖုံးကွယ်ဖို့ ကြိုးပမ်းတာသာဖြစ်တယ်လို့ မြန်မာ့စစ်ဖက်ရေးရာနဲ့ လုံခြုံရေးဆိုင်ရာ လေ့လာရေးအဖွဲ့ (MDSI) က ပြောပါတယ်။ တရုတ်က နျူကလီးယားထိပ်ဖူးအတုတပ်ထားတဲ့ တာဝေးပစ်ဒုံးကျည်တစ်စင်းကို ပစိဖိတ်သမုဒ္ဒရာထဲ စမ်းသပ်ပစ်လွှတ်လိုက်ပြီးနောက်အမေရိကန်က တရုတ်ရဲ့ နျူကလီးယားလက်နက်အစီအစဉ်အပေါ် စိုးရိမ်နေတယ်လို့ ပြောထုတ်ဖော်ပြောဆိုလိုက်တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။