Khit Thit Afternoon News | 4 July 2026

Khit Thit သတင်းဌာန၏ ဇူလိုင် ၄ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၄ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ မြန်မာစစ်တပ်ရဲ့ သွင်းကုန်ပိတ်ဆို့ထိန်းချုပ်ရေး မူဝါဒတွေ ကြောင့် ကုန်ဈေးနှုန်းတွေ ဆက်တိုက်မြင့် တက်လာပြီး ဘယ်သူ့ကိုမှ အကျိုးမပြုတဲ့ ဆိုးရွားတဲ့ စီးပွားရေး ဝန်းကျင်တစ်ရပ် ဖြစ်ပေါ်နေတယ်လို့ အမျိုးသားဒီမိုကရေစီအဖွဲ့ချုပ် (NLD) အစိုးရ၊ စီမံကိန်း၊ ဘဏ္ဍာရေးနဲ့ စက်မှုဝန်ကြီးဌာန ဒုတိယဝန်ကြီး ဦးဆက်အောင်က လူမှုကွန်ရက်ကနေတစ်ဆင့် သတိပေးပြောကြားထားပါတယ်။ နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ရဲ့ ၈၁ နှစ်ပြည့် မွေးနေ့အတွက် ကျန်းမာရေး ဆုမွန်ကောင်း တောင်းပေးခဲ့တဲ့ တရုတ်ကွန်မြူနစ် ပါတီ (CCP) နိုင်ငံတကာဌာနကို သားဖြစ်သူ ကင်မ်အဲရစ် (Kim Aris) က ကျေးဇူးတင်စာ ပေးပို့လိုက်တယ် လို့ လူမှုကွန်ရက်ကနေတစ်ဆင့် ကင်မ်အဲရစ်က သတင်းထုတ်ပြန်ထားပါတယ်။ -ရန်ကုန်မြို့မှာ ဒီနေ့ ဂျူလိုင် ၄ ရက် မနက် ၆ နာရီ ၅၀ မိနစ်ခန့်အချိန် သိသာတဲ့ ငလျင်လှုပ်ခတ်မှု ဖြစ်ပွားခဲ့ပြီး အထပ်မြင့်တိုက်ခန်းတွေ၊ ရုံးအဆောက် အအုံတွေနှင့် ကွန်ဒိုတွေမှာ နေထိုင်တဲ့ ပြည်သူတချို့ ပြေးဆင်းခဲ့ကြတယ်လို့ ဒေသခံတွေဆီကနေ သိရပါတယ်။ -ဒီကနေ့ မနက်အစောပိုင်းက ကစားခဲ့တဲ့ ကမ္ဘာ့ဖလား လက်ရှိ ချန်ပီယံအာဂျင်တီးနား နဲ့ အခုနှစ်မှ ကမ္ဘာ့ဖလား ကစားခွင့်ရတဲ့ ကိတ်ဗာဒ် အသင်းတို့ရဲ့ ပွဲစဉ်မှာ အာဂျင်တီးနားအသင်းက အချိန်ပိုထိ အသဲအသန် အကြိတ်အနယ် ကစားပြီးမှ အနိုင်ရခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။