અમેરિકામાં ફેક રોબરી કરાવનારો ગુજરાતી ડિપોર્ટ થવાની તૈયારીમાં!

યુ વિઝા માટે કરાવાયેલી રોબરીનો લાભ ઉઠાવનારા મિતુલ પટેલ નામના એક ગુજરાતીના ડિપોર્ટેશનનું કાઉન્ટડાઉન શરૂ થઈ ચૂક્યું છે. આરોપીએ પોતાના પર લગાવાયેલા આરોપનો જૂન 24ના રોજ સ્વીકાર કરી લેતા તેને સજા ભોગવવાની સાથે ડિપોર્ટેશન માટે પણ તૈયાર રહેવું પડશે. જસ્ટિસ ડિપાર્ટમેન્ટના જણાવ્યા અનુસાર 40 વર્ષના મિતુલે વિઝા ફ્રોડનું કાવતરું રચવાનો ગુનો કબૂલ કર્યો છે. તે પોતે હાલ કોઈ સ્ટેટસ વિના અમેરિકામાં રહે છે અને મેસાચ્યુસેટ્સના વોરકેસ્ટનો રહેવાસી છે તેની સામે બોસ્ટનમાં આવેલી ફેડરલ કોર્ટમાં કેસ ચાલી રહ્યો છે.