(නො)බැඳි - හයවෙනි කොටස #writing #books #relaxing

(නො)බැඳි - හයවෙනි කොටස "දෙයියනේ මං ඊයේ ඉදලා කෝල් ගන්නේ සුදූට.answer කරේම නෑනේ.දැන් ෆෝන් එකත් ඕෆ්.මේ වෙලාවට තමා හිතෙන්නේ යාලුවෙක්ගේ නම්බර් එකක් හරි තිබ්බා නං හොදයි කියලා." "දැන් දහයටත් වෙලා.තවම නෑනේ ෆෝන් එක ඔන් කරලා.ඊයේ හොදටම අප්සට් ගියා එයාට.මටත් හොදවැඩේ." සාරංග එසේ තමාටම මුමුනමින් සිටින අතරවාරයේ ඔහුගේ ජංගම දුරකථනයට කෙටි පණිවිඩයක් ලැබුනි. "කෝ බලන්න මේකවත් සුදූගෙන්ද කියලා." "මම අපි ගැන අක්කාට කිව්වා" ලෙස පමණක් එහි සදහන් විය.එය දැකීමෙන් අහේතුකවම කෝප වූ සාරංග එකෙනෙහිම හිරුදි ඇමතීය. "සුදූ ඇයි ඊයේ ඉදලා කතා නොකලේ.මම කොච්චර නං සමාව ඉල්ලුවද.මොකද්ද මේ කියලා තියෙන්නේ.ඇයි අක්කට කිව්වේ.මං තව ජොබ් එකටත් ගියා විතරයි.මොන විකාරයක්ද ඒ කරේ?මොකද සද්ද නැත්තේ?" "කෑගහලා ඉවරද?ෆෝන් එකට උත්තර නොදුන්නේ මට එවලේ ඔයා එක්ක කතා කරන්න දෙයක් නොතිබ්බ හින්දා.අක්කට කිව්වා කියලා ඔයා ඔච්චර කෑගහන්නේ මම ඊයේ දැකපු දේ නිසාද.කමක් නෑ.මං අක්කට ඒ ගැන කිව්වේ නෑ.ඊයේ මං ආපු වෙලෙ ඉදලා නිදාගත්තා.ඒ මදිවට රෑ මට හොදටම උණත් තිබිලා.ඒ හින්දා අද අක්කා ගෙදර.මගේ පොඩි වෙනසක් උනත් එයාට තේරෙනවා.එයා අහද්දි මට නොකියා බැරි උනා." "ඉතිං ඔයාට තිබ්බනේ බොරුවක් කියන්න.මොකටද මං ගැන කිව්වේ?" "දැන් ඔයා මට මේ බනිනවද අයියේ?මං එක්ක නං යාලු අපි ආදරේ කරනවා නං මොකටද හංගන් ඉන්නේ.අනික තවම මම ඊයේ photo කතාව කතා කරේ නෑ ඔයා එක්ක." "ඒක වෙනයිනේ.මේක මේ අහක යන එකක්නේ. "අහ් එතකොට මාව අවුල් වෙන්න තරං හේතු අරං මාව හම්බෙන්න ආපු එක හරි මම ගෙදරට කියපු එක වැරදි." "තියනවා ඕයි ෆෝන් එක." "පොඩ්ඩක් ඉන්- හිරුදි පැවසීමට ගත් දෙය අවසන් කිරීමටත් පෙර කෝපයෙන් බැන වදිමින් සාරංග ඇමතුම විසන්ධි කර දැමීය.ඉන් හිරුදිගේ හිත මහත් සේ වේදනාවට පත් වූ අතර පෙර දින සිදු වූ සියල්ල ඇගේ හිතේ මැවෙන්නට විය. එසේ නිම වූ ඇමතුමෙන් පසුව සාරංග හිරුදිටවත් හිරුදි සාරංගටවත් ඇමතුම් ලබා නොගත් අතර හිරුදි විසින් යවන ලද එකදු කෙටි පණිවිඩයකට හෝ සාරංගගෙන් පිළිතුරු ලැබුනේද නැත.ඇගේ සහෝදරිය පැවසූයේ එලෙසටම සම්බන්ධය නවතා දමන ලෙසයි.නමුත් හිරුදි ඒ වන විටත් ඔහුට දැඩිසේ ප්‍රේම කිරීමට පටන්ගෙන තිබුනි.එහෙයින් කිසිවෙකු කී පරිදි සාරංග අමතක කරලීම ඇයට පහසු වූයේ නැත. තවත් සතියක පමණ කාලයක් ගත වී ගිය අතර ඒ වන විට සාරංග විසින් ඇයට ඔහුව සම්බන්ධ කරගැනීමට තිබූ සියලුම විධි අවහිර කර තිබිනි.ඉන් මහත් හිත් වේදනාවට පත් ඇය අවසානයේ ඇගේ හොදම මිතුරිය වූ තරුලිට සියල්ල පවසා ඇගෙන් උපකාර ඉල්ලාගැනීමට තීරණය කලාය. "හෙලෝ!" "ඕ කියපන් හිරූ.අද මොකෝ උදෙන්ම කෙල්ලට මාව මතක් වෙලා.උබ මේ වෙලාවට ඇහැරලා කියන්නේ ඉතිං මොකක් හරි සීන් එකක් තමා.ඉතිං කියපන්කෝ.මේ ටිකේ උබ ඉන්නේ අප්සට් එකේ කියලා මට තේරිලා තිබ්බේ.උබම කියනකං මං හිටියේ ඒකයි." "හ්ම්ම්ම් ඔව් බං.මං මේ හිතලා හිතලා උබට ගත්තේ." එසේ ආරම්භ වූ සංවාදය අවසන් වූනේ සිදු වූ සියල්ල ඇය තරුලි වෙත පවසා තරුලි විසින් සාරංගගේ අංකය ලබාගෙන ඔහුව ඇමතීමට පොරොන්දු වූ පසුවයි. ඕනෑම අවස්ථාවකදී තරුලි සමග ඉන්නා ඈ වෙනුවෙන් කතා කිරීමට අවසානයේ තරුලි තීරණය කර තිබුනි. "හොලෝ!මේ සාරංග අයියද?" "අයියද නං දන් නෑ , හැබැයි සාරංග තමයි." "අයියේ කට් කරන්න නං එපා.මං තරුලි.හිරූගේ යාලුවා.අයියා එයාට ඔයාව contact කරගන්න කිසිම විදියක් ඉතුරු කරලා නැති නිසයි මට අයියට කතා කරන්න උනේ." "ඔව් නංගි,කියන්න.මං අහන් ඉන්නේ." "අහන් ඉන්නේ කියන්නේ අයියේ ඇයි ඔයා ඒ කෙල්ලට ඔහොම දුක් දෙන්නේ.ඒකත් ඔයා ගැන අක්කට කිව්වා කියලා.හරි හිරූනේ ඔයාව බ්ලොක් කරන්න ඕනි එදා වෙලා තිබ්බ දේට.මම එහෙම උනා එවලෙම සම්බන්දේ නවත්තලා දාලා." "අහන්න නංගි මං ඒ photo එක හිතලා තියාගෙන හිටියේ නෑ.ඒක මට ඇත්තටම අමතක වෙලා තිබ්බේ.මං කොච්චර ඒකට සමාව ඉල්ලලා හිරූට කෝල් මැසේජ් කරාද.අන්තිමට එයා ෆෝන් එකත් ඕෆ් කරං අක්කට මං ගැන කියලා.මගෙන් අහන් නැතුව එහෙම කරන එක හරිද?" "ඒකට මට මුකුත් කියන්න බෑ අයියේ.හැබැයි හිරූ ඔයාට ආදරෙයි.එහෙම නැත්තං කීයටවත් ඒකි ඔහොම වෙලාවක ඔයා ගැන ගෙදරට කියන් නෑ.අරුණි අක්කා හෙන හොදයි.මම දන්නවනේ එයාලා ගැන." "හ්ම්ම්..මටත් දැන් ඒක හිතෙනවා නංගි.මං කලබල උනා වැඩියි.කලින් සැරේ affair එකේදිත් වාසනාට ඕනි උනේ සේරටම කලින් ගෙදරට කියලා මාව අල්ලේ නටවන්න.ඒක නැති උනෙත් ඕවා හින්දා.හිරූ අක්කට කිව්වා කිව්වමත් මට ඒක මතක් උනා නංගි.එකම එකම ආයේ වෙන්න යනවද හිතුනා." "එහෙම නං ඒක දෙන්නා කතා කරනවා මිසක් ඔහොම ඉදලා හරියන් නෑනේ.අයියට හිරූ එපා නං එයාව නිදහස් කරන්න.මම ඉල්ලන්නේ එච්චරයි.එකි දුකින් ඉන්නවට අපි කැමති නෑ." "මං හිරූට ගන්නම් කියන්න නංගි.අද මට 9 වෙද්දි දෙන්න ඩිසයින් එකක් තියේ.ඒක යවලා මම ගන්නම් කියන්න." ඉන්පසු ඇය විසින් හිරුදි අමතා සියල්ල පැවසූ අතර ඉන් හිරුදි ඉමහත් සතුටට පත්විය.සාරංග කතා කලහොත් සියල්ල හොඳින් විසදාගන්නා ලෙසට පවසමින් පසුදින ඇයගේ නිවසට පැමිණෙන බවද පවසමින් තරුලි ඇමතුමෙන් සමුගෙන තිබූ අතර අරුණි කාමරයට පැමිණෙන තෙක්ම ඇය උන්නේ දැඩි කල්පනාවකය. ✍️ හසිනි ප්‍රේමරත්න #writing #Relaxing #storytime #books #story #relaxing