Khit Thit Morning News | May 13 , 2026

Khit Thit သတင်းဌာန၏ မေ ၁၃ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ မေ ၁၃ ရက် မနက်ပိုင်း တင်ဆက်ပေးမယ့် သတင်းတွေကတော့ -ရခိုင်ပြည်မှာ အာရက္ခတပ်တော်(AA) နဲ့ ငြိမ်းချမ်းရေးစေ့စပ်ပေးဖို့၊ အခုလက်ရှိသိမ်းပိုက်ခံထားရတဲ့ ရခိုင်မြို့တွေပြန်ရဖို့အတွက် တရုတ်ကို အကူအညီတောင်းထားတယ်လို့ နေပြည်တော်ဘက် စစ်ဘက်သတင်းရင်းမြစ်က ပြောပါတယ်။ စစ်ကိုင်းတိုင်း၊ ယင်းမာပင်မြို့နယ်မှာ စစ်တပ်စစ်ကြောင်းတစ်ခုကို တိုက်ခိုက်ခဲ့ပြီး ထော်လာဂျီ ၁ စီး ပါဝင်တဲ့ ပြည်သူပိုင်ပစ္စည်းတွေကို ပြန်လည်သိမ်းဆည်းရရှိခဲ့သလို စစ်သား ၅ ယောက်လည်း အလင်းဝင်လာတယ်လို့ ယင်းမာပင်ခရိုင် ဗျုဟာ အမှတ် ၄၇ က ထုတ်ပြန်ထားပါတယ်။ ကချင်ပြည်နယ်၊ မိုးညှင်းမြို့နယ် အင်းတော်ကြီးဒေသမှာ စစ်တပ်စစ်ကြောင်းတစ်ခုကို KIA ပူးပေါင်းတပ်တွေက ကြားဖြတ်တိုက်ခိုက်ခဲ့ပြီး စစ်တပ်ဘက်မှာ ထိခိုက်သေဆုံးမှုတွေ များလာတာ ကြောင့် နောက်ဆုံးမှာ စစ်ကြောင်းပြန်ဆုတ်သွားတယ်လို့ ဒေသစစ်ရေးသတင်းရင်းမြစ်က ပြောပါတယ်။ အမေရိကန်နဲ့ အီရန်ကြားမှာ ပါကစ္စတန်နိုင်ငံက ကြားဝင်စေ့စပ်ပေးထားတဲ့ အပစ်အခတ်ရပ်စဲရေးဟာ အခုဆိုရင် လုံးဝပျက်ပြားသွားနိုင်တဲ့အန္တရာယ်နဲ့ ရင်ဆိုင်နေရတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။