Gjyqi Hajdari, deshmitari Agim Logu zbardh nje pjese te ngjarjes - (25 Korrik 2001)

Lajme Arkiva - TV Klan 2001 Agim Logu, dëshmitari i vetëm i seancës së radhës, të dosjes Hajdari ka zbërthyer një pjesë të mirë të ngjarjes së 12 Shtatorit 1998. Efektivi i policisë së Tropojës, Agim Logu është kërkuar me ngulm të dëshmojë nga akuza, pasi ai ka qenë shoferi i policisë së Tropojës, një ndër makinat e vendngjarjes së atentatit ndaj Azem Hajdarit. “Kemi zbritur tre makina nga Tropoja, drejt Tiranës më 11 Shtator, ku para meje ishte Ismet Haxhia, me makinën e tij. Në Tiranë kemi ndenjur në një lokal në Dajt, nga ku më pas u takuam të gjithë. Unë, Fatmir Haklaj, Jaho Mulosmani, Naim Çangu dhe Elez Haklaj, natën e 11 Shtatorit kemi fjetur tek hotel Arbana. Më 12 Shtator paradite me Jahon në vend të parë dhe të tjerët prapa u nisëm drejt një lokali tek kodrat e liqenit. Më pas vijnë dhe Halil Haklaj dhe Izet Haxhia, të cilin nuk e njihja. Rreth darkës Fatmiri më tha se do të nisemi për në Tropojë. Pasi kaluam bulevardin kryesor Halili më tha, që të presim të tjerët tek “Ushtari i Panjohur”, ku dhe ndalova makinën. Unë zbrita nga makina dhe vetëm pas gjysmë ore dëgjova breshëri automatiku. Menjëherë pas krismave dikush më tha të nisemi dhe u drejtova për nga spitali. Nga makina ime nuk kishin zbritur për asnjë moment as Izeti apo Halil Haklaj. Në rrugën e spitalit na bllokoi një Benz nga ku zbritën Jaho dhe Fatimri me një të plagosur, i cili ishte Naim Çangu. Pasi e lamë Naim Çangun në urgjencë u nisëm drejt Tropojës. Vetëm pas disa orësh më thanë se ishte vrarë Azem Hajdari”. Kaq ishte dëshmia e dhënë nga shoferi i makinës së policisë Logu, i cili sipas tij ishte urdhëruar nga shefat e tij të vinte në Tiranë, më 11 Shtator dhe që rastësisht u bë dëshmitar i një ngjarje të rëndë. Pas dëshmisë së Logut, i është përgjigjur pyetjeve të prokurorëve dhe Fatmir Meta, duke risqaruar edhe njëherë pozicionin e tij në lidhje me atentatin e 12 Shtatorit 98./tvklan.al Gazetar – Eduart Frangaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/