Gjyqi Hajdari, deshmia e shumepritur e Petrit Çakrrit - (20 Shkurt 2002)

Lajme Arkiva - TV Klan 2002 Dëshmitari i shumëpritur nga avokatët mbrojtës dhe të pandehurit për vrasjen e deputetit Azem Hajdari, sot u paraqit në Gjykatën e Tiranës. Petrit Çakrri, para se të dëshmonte për vrasjen, u shpreh se, nuk ka besim në drejtësinë shqiptare. Seanca disa orëshe ka qenë e mbushur me pyetje të të pandehurit Ismet Haxhia dhe përgjigjet e dëshmitarit Petrit Çakrri, aktualisht i burgosur për vrasje. Sipas dëshmitarit, Ismet Haxhia ka qenë në vendin e ngjarjes, kur u vra deputeti Azem Hajdari, rreth 15 minuta pas vrasjes. Ismeti ka biseduar me Sali Lushën lidhur me ngjarjen dhe ka pranuar pjesëmarrjen në vrasje, sipas dëshmitarit Çakrri. Ky i fundit pranoi se ka qenë duke pirë kafe, së bashku me një zyrtar të lartë, aktualisht në policinë e shtetit. Emrin e zyrtarit, dëshmitari refuzoi ta përmend, por sipas deklarimeve të tij ai ka qenë dëshmitar okular i ngjarjes. Akuza e drejtpërdrejt që Petrit Çakrri i drejtoi të pandehurit Fatmir Meta, si vrasës i deputetit Azem Hajdari, ngjalli reagimin e nervozuar e të gjithë të pandehurve, që solli më pas ndërprerjen e seancës. Sipas dëshmitarit, i cili pretendon të ketë parë me sytë e tij ngjarjen, Jaho Mulosmani ka qëlluar me kallashnikov, mbi trupin e Azem Hajdarit dhe truprojave të tij. Për të gjitha deklarimet e Çakrrit, avokati i të pandehurit Mulosmani, ka reaguar i nervozuar, duke kërkuar, që thëniet e tij të mos merren parasysh nga gjykata./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/