Gjyqi Hajdari, deshmia e Pellumbesha Gjonit naten e vrasjes se Azemit - (20 Shtator 2001)

Lajme Arkiva - TV Klan 2001 Pëllumbesha Gjoni, ishte dëshmitarja e vetme e gjyqit Hajdari ne seancën e radhës. Në mungesë të dëshmitarëve të tjerë VIP, Berisha e Minarolli, të cilët nuk janë kontaktuar ende nga toga e shoqërimit, Gjoni ka sqaruar momentet para dhe gjatë atentatit ndaj Hajdarit. “Kam qenë ulur në një tavolinë me Azemin dhe familjen e tij, mbrëmjen e 12 Shtatorit. Ai pasi u nda me familjen u ngjit në zyrë për të parë kasetën e mitingut në Fier, ku kishte qenë atë ditë. Ndërkohë, unë po prisja burrin të ikja në shtëpi dhe pashë një makinë të dyshimtë rrotull selisë së PD. Pas pak Azemin e shohë të dal nga selia, ndërkohë që fliste në celular. Nga pas e ndoqën dy bodigardët e tij. Isha vetëm 5 metra larg kur Azemi u takua me dikë dhe nisën të ziheshin pasi përmendën emrin e Berishës”. Për herë të parë sipas dëshmisë së Pëllumbesha Gjonit, rezulton se mbi Azemin është qëlluar edhe nga njerëzit brenda makinës. Ndërkohë ajo tha, se ndër njerëzit prezent në vendngjarje ishte dhe Jaho Salihi. Kanë qëlluar të gjithë, tha dëshmitarja Gjoni, çka solli dhe provokimin e të pandehurit Jaho Salihi. Pasi kam parë në gazeta fotot e tyre, njoha dhe një nga vrasësit që ishte Fatmir Haklaj, tha dëshmitarja, duke rikujtuar natën e 12 Shtatorit. Pas kësaj dëshmie, Jaho ka kërkuar me çdo kusht ardhjen e Berishës, pasi sipas tij, atëherë do të dalë fajtori i vërtetë dhe shkaktari i ngjarjes./tvklan.al Gazetar – Eduart Frangaj SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/