အခြေခံဥပဒေမူကြမ်း ဆွဲပြီးပြီလို့ NUG ကြေညာ (ရုပ်/သံ)

အမျိုးသားညီညွတ်ရေးအတိုင်ပင်ခံကောင်စီ (NUCC) နဲ့ အမျိုးသားညီညွတ်ရေး အစိုးရ (NUG) တို့က ပူးပေါင်းရေးဆွဲထားတဲ့ ဖက်ဒရယ်အသွင်ကူးပြောင်းရေးအစီအမံများဆိုင်ရာ အခြေခံဥပဒေ (AFTA) ရဲ့ Zero Draft မူကြမ်း ပြီးစီးသွားပြီဖြစ်ကြောင်း ကြေညာပါတယ်။ ထိုင်း-မြန်မာနယ်စပ်မှာ ဇူလိုင်လ ၅ ရက်နေ့က ပြုလုပ်ခဲ့တဲ့ ပူးတွဲသတင်းစာ ရှင်းလင်းပွဲမှာ အခုလို အသိပေးထုတ်ပြန်လိုက်တာဖြစ်ပြီး၊ ဒီမူကြမ်းဟာ စစ်အာဏာရှင်စနစ် ချုပ်ငြိမ်းသွားပြီးနောက် အသွင်ကူးပြောင်းရေးကာလမှာ အသုံးပြုနိုင်ဖို့ ရည်ရွယ်ရေးဆွဲထားတာဖြစ်တယ်လို့ ဆိုပါတယ်။ တော်လှန်ရေးအဖွဲ့တွေအနေနဲ့ လက်ရှိတော်လှန်ရေးကာလကို "ကြားကာလ" လို့ သတ်မှတ်ထားပြီး၊ အဲဒီကာလလွန်မြောက်ပြီးနောက်ပိုင်းကိုတော့ "အသွင်ကူးပြောင်းရေးကာလ" အဖြစ် အဓိပ္ပာယ်ဖွင့်ဆိုထားတာဖြစ်တယ်လို့ ဖော်ပြထားကြပါတယ်။ ဒါပေမဲ့လည်း အသွင်ကူးပြောင်းရေးကာလအတွင်း ဖက်ဒရယ်အစိုးရဖွဲ့စည်းပုံ၊ လုံခြုံရေးဆိုင်ရာ ပူးပေါင်းညှိနှိုင်းမှုနဲ့ နိုင်ငံတကာဆက်ဆံရေးစတဲ့ အရေးကြီးတဲ့ကိစ္စရပ်တွေအပေါ်မှာတော့ မတူညီတဲ့ အမြင်နဲ့ ချဉ်းကပ်မှုတွေ ရှိနေဆဲဖြစ်တယ်လို့ NUCC က ထုတ်ပြန်ထားပါတယ်။ #မြန်မာ #ဧရာဝတီ #အခြေခံဥပဒေ #NUCC #NUG #WhatsHappensInMyanmar ဧရာဝတီရဲ့ YouTube membership ကို Support လုပ်ချင်တဲ့ပရိတ်သတ်တွေအနေနဲ့ ဒီ    / @irrawaddynews1993   Link လေးမှ join buttom ကို နှိပ်ပြီးတော့ ပါဝင်နိုင်ပါပြီ။ စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://www.irrawaddy.com/donation