Khit Thit Evening News | 2 July 2026

Khit Thit သတင်းဌာန၏ ဇူလိုင် ၂ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂ ရက် ညနေပိုင်း တင်ဆက်ပေးမယ့် သတင်းတွေကတော့ ချင်းပြည်နယ်က မင်းတပ် နဲ့ ကန်ပက်လက်မြို့နယ်တွေမှာ ထိုးစစ်ဆင်နေတဲ့ အင်အားထောင်ချီပါရာ အကြမ်းဖက် စစ်တပ် စစ်ကြောင်းကို တော်လှန်ရေးပူးပေါင်းတပ်တွေက ၁ လကျော်ကြာ ခုခံတိုက်ခိုက်မှု တွေအတွင်း စစ်တပ်ဘက်က ရာနဲ့ချီ သေကုန်ကြတဲ့အပြင် စစ်သာမသာအလောင်းတွေ၊ စစ်သုံ့ပန်းတွေနဲ့ လက်နက်ခဲယမ်းတွေပါ သိမ်းဆည်းရရှိထားတယ်လို့ ချင်းပြည်သူ့အစည်းအရုံး (CPU/CPA) က ဓါတ်ပုံတွေနဲ့တကွ ထုတ်ပြန်လာပါတယ်။ မကွေးတိုင်း၊ စလင်းမြို့နယ်မှာ စစ်တပ်ရဲ့ ကပစ ၂၁ စက်ရုံအတွက် မီးလိုင်းတွေပြင်ဖိုဆိုပြီး ထွက်လာတဲ့ အကြမ်းဖက် စစ်တပ်စစ်ကြောင်းကို တော်လှန်ရေးတပ်တွေက ကြားဖြတ်တိုက်ခိုက်မှု အတွင်း စစ်တပ်ဘက်က တပ်သား ၁ ဦး ပွဲချင်းပြီးကို သေသွားတဲ့အပြင် နောက်ထပ် စစ်သား ၁ ဦးကိုပါ လက်နက်နဲ့အတူ အရှင်ဖမ်းဆီးရမိထားတယ်လို့ စလင်းမြို့နယ် (ပကဖ) က ထုတ်ပြန်ထားပါတယ်။ မန္တလေးတိုင်း၊ ကျောက်ဆည်မြို့နယ်မှာ လူငယ်တွေကို ပေါ်တာဆွဲဖမ်းဆီးမှုတွေ နဲ့ စစ်မှုထမ်းကြေး အတင်းအကျပ်ကောက်ခံမှုတွေ လုပ်နေတဲ့ စစ်တပ်လက်အောက်ခံ ကတဲကျေးရွာ အုပ်ချုပ်ရေးမှူး ကျော်သန်းဦး ဆိုသူ ဓားနဲ့ ခုတ်ခံရပြီး တခါတည်း သေသွားပြီလို့ ဒေသခံတွေက ပြောပါတယ်။ လက်ရှိ ၂၀၂၆ ကမ္မာ့ဖလား ဘောလုံးပြိုင်ပွဲမှာ ကစားဟန်မတူတဲ့ စပိန်နဲ့ ဩစတြီးယား အသင်းတို့ဟာ ၃၂ သင်း ရှုံးထွက်အဆင့်မှာ ထိပ်တိုက်တွေ့ဆုံတော့မှာဖြစ်တယ်လို့ နိုင်ငံတကာ သတင်းတွေမှာ ဖော်ပြထားတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။