Kipre kaj kune

Ĉi tiu video estas rezulto de la seminario "Junuloj por Eŭropo: Trejnigante la morgaŭajn packonstruantojn per enrigardoj en la pasintecon", organizita de Tutmonda Esperantista Junulara Organizo (TEJO) kunlabore kun la Konsilio de Eŭropo (KdE) kaj la Kipra Junulara Konsilio (CYC). La seminario okazis en Pervolia kaj Nikozio, Kipro, de la 25-a de novembro ĝis la 1-a de decembro 2025 kaj kunigis junulojn el la membroŝtatoj de la Konsilio de Eŭropo por esplori temojn rilatajn al edukado pri homaj rajtoj, interkultura dialogo kaj konfliktransformado. Per laborgrupoj, diskutoj kaj renkontiĝoj kun lokaj junuloj, la partoprenantoj profundigis sian komprenon pri la socipolitika situacio de Kipro kaj pri la defioj kaj ŝancoj de packonstruado en dividitaj socioj. Kiel unu el la rezultoj de la seminario, la partoprenantoj kunlabore kreis ĉi tiun filmeton, kiu fokusiĝas pri la lingva diverseco de Kipro kaj kiel lingvo, identeco kaj historio interplektiĝas en la kipra kunteksto. La opinioj esprimitaj en ĉi tiu filmeto apartenas al la aŭtoroj kaj ne nepre reflektas la oficialan pozicion de TEJO, la Konsilio de Eŭropo aŭ la Kipra Junulara Konsilio. #TEJO #CouncilOfEurope #CYC #Cyprus #Kipro #Peacebuilding #InterculturalDialogue #HumanRights #YouthWork #Esperanto