إمبارح - اميرة البيلي | Amira Elbialy - Embarh

اشترك في القناة الرسمية للشاعرة اميرة البيلي ليصلك كل ما هو جديد شكر خاص للممثل العبقري / طارق محمد وللموسيقين اللي دايماً مشاركني المسرح ومشوار نجاحي من بدايته.. فريد جزر عمر القليني كريم القليني نور الدين محمود محمود عكاوي شريف محمود التسويق : ايمن محسن - عمر رشوان تصميم : احمد حسن الميكب ارتيست : هايدي أسامة إدارة الأعمال : أحمد حسن سيد مصطفي شكر خاص أولاً واخيراً للجمهور العظيم كلمات القصيدة : إمبارح ! أنا كنت جارح نفسي بأرادتي دخلت خلق كتير عن قصد جوايا ورجعت ندمان النهاردة عشان قلبي الغشيم ديما ضعيف وجبان فـ الكل جرح فيا واتمادي مملكش إلا الغلب كالعادة وسابوني وحدي بشكي الفراق للشِعر باعوا الي بينا ع الملأ ورموني بأبخث سعر شدوني بحبالهم وفجأة سابوا الحبل ووقعت وحدي بعيد ملقيتش ايد تسند كل الوشوش ظهرت كل البشر بتبان بالوقت والأيام وبكرة تتأكد من كل شئ قد كان إن الجميع زايفين .. وإن انت جيت الدنيا وهتسيبها من غيرهم .. وإن الي قال باقي أول فلان سابك مين دق علي بابك فيوم ما قولت وحيد ؟ مين اصلا افتكرك وقت اما كنت بعيد ؟ صدقني تستاهل ، قلبك غبي وجاهل .. بيحب ناس بيبيعوا فيه بالسهل .. مش كل جهل يكون فـ العلم والخبرة اوقات بيبقي الجهل جوا القلب .. مش كل كلب بيوفي والله ولا كل حد يدق نفتح له .. مش كل شخص البعد اريح له .. رد التعب حرفة وصدقني بتريح .. رُد الوجع وجعين لكل حد أذاك .. اوقات بيبقي البعد ضعف شديد فـ عيون بشر جرحاك الحب لو هيذل متحبوش .. كل الي دخلوا حياتنا ناس بوشوش متصدقوش الحب طول ما البداية كلام " فـ ويل لهم مما كتبت أيديهم " كل الوعود زايفة كل الغزل أوهام .. كان فـ الكافية وحده وسجايره كاتـ صاحب وفـ ودنه هاند فري بتغني فيها الست :- " يا نسيني وانت علي بالي وخيالك ما يفارق عيني " سرحان وشايل حمل مش قده .. والاشتياق هده الكل قاله يا سيدنا مش راجعة ، وهو مستني .. دخل عليه الجرسون وقاله تطلب ايه .. ؟! قالوا " اقعد اسمعني " .. وحشتني وسابتني من غير ما اكون جاني كان قلبها أناني وقلبي طفل يتيم محتاج ايدين امه .. مين بعدها يضمه ؟! قالت بقسوة يومها نتفارق قولتلها وأنا ببكي كان ايه الغلط مني ؟ أو ايه الغلط فيا ؟! انا اسف استني ، اسف علي كل شئ والله ما عملته .. لكن بلاش تمشي .. قالتلي يومها " حُكم الظروف اقوي " ومشيت .. ! بنظرة شفقة م الجرسون بحزن وصوت ضعيف خافت .. آسف يا فندم : بس تطلب ايه ؟! رديت عليه وقولتله مش عاوز اطلب شئ غير حضنها الدافي كان ضحكها كافي يجعلني اكون مبسوط .. فكيت حبال الحزن جواها ولقتني بعد غيابها أنا المربوط .. قالي وعيونه فيها دموع لابد تنساها طبطب عليا ومشي .. ورجعت وحدي وحيد بسمع اغاني الست واشرب سجاير لا حصر لعددها .. كتـ جية فـ ميعادها قبل مانتفارق وايدييا ساقعة كأنها كوم تلج وشفايفي لونها أبًيض من خوفي لتقولي أنا همشي وهسيبك قالت قرارها ومشت وأنا قلبي واقف عندها ممشيش .. طب حتي سبب البعد ؟ اقسم بربي مفيش .. كان ايه لزوم الجفا والبعد والقسوة .. كتر أوي خيرِك أنا هنسي وجعي بواحدة مش غيرِك مش عارف انساكي .. لأ بكرة هتعود وهعيش كمان دونِك .. دونك فـ احسن حال .. الست قطعت كدبي وقالتها .. " وبكرة يفوت وبعده يفوت ولا كلمة ولا مرسال .. " ................................... For advertising : 01274358305 .................................. #Embarh #امبارح #اميره_البيلي