مِش قولتلك - اميرة البيلي | Amira Elbialy - Mesh 2oltelek

يوم لن يُنسي - من اجمل حفلاتي ١٤ فبراير ٢٠٢٠ الموسيقين اللي شاركوني علي المسرح فريد جزر - عود عنتر السيد - الكمانجه عمر القليني - ناي اسلام بدوي - ايقاع كريم القليني - اورج تمثيل الممثله - بسمه دويدار من حفل ديوان " #من_نصيبنا " Social Media Management : Ahmed Hassan - Omar Rashwan - Aymen Mohsen ------------------- Businesses Management : Sayed Mostafa 01004673161 01274358305 #مني_اليكي٢ مش قولتلك! مانا كنت يومها بحذرك من كل دة كان كل غرضي تحافظي علي قلبك اهو ساب ايديكي ف المرة ديه منك إليها مش مني ليكي عاجبك كدة! اهو باع وخان كل الوعود بينكم سميته يوم " كلب البنات " كان عندي حق وقولتلك هيخون .. قولتيلي لأ واديكي صدقتيه ياريتك يومها قدرتي الكلام او خدتي بيه مانا كنت خايفة عليكي من يوم الفراق مش قولتلك اهربي! طيب خلاص .. اشربي مبسوطة دلوقتي وانتي بتبكي كل يوم من الخوف حلوة الظروف وحجته إياها؟ حلوة الأحلام اللي رسمها معاكي ؟ حلو دُعاكي وحسبنتك فيه!! حلوة الأيام والليل بعديه ؟ عاجبك حالك!! دانا خفت عليكي مكنتش شمتانة في قلبك لو تفتكري! حذرتك يومها بدافع انساني وشفقة قررتي تشوفي اللي بقوله من جانب تاني انا مقصدتوش وتقولي دية غيرانة بتخرب! اسألي من عاش حالتك قبلِك علشان لما تقابلِك صدمة تقدري تدوسيها بعزة وكِبر لكن قررتي تفضي الحبر اللي ف قلمك علشان واحد قطع كتباتك وعتابك ورماها وعاش عاجبك حالك .. مانا قولت بلاش!! انا يمكن سني ميشفعليش انصح وأدي مواعظ واحكام لكن ربك لو يوهب عقل بيبقي الطفل اعقل من الكهل ويقدر ينصح ويداوي وانتي استهزئتي وقولتي كلام! وأديه عور قلبك بكلام وبخفة يد سرق روحك وجروحك زادت من قربه وفي نص السكة بدون إنذار ف الحفرة اللي حكيت لك عنها شافك بتضحي وبتموتي ودفعك قدام ولا مد ايده علشان ينقذ ولا حتي اهتم الوردة الحمرا اهي قلبت دم وانتِ لوحدك بتحاولي تباني انك قاسية وناسية وقادرة تعدي مرارة خوفك او ضعفك او وجع الخذلان افهمي ي صبية اللي بقوله اللي يسيب الاولي عشانك هيسيبك علشان التالتة والتالتة التابتة ودية بموته البنت اللي عرفها عليكي هتموت قلبه وتكسر فيه والله اللي بقوله هيحصل علشان ربك يمهل ويزيد العاصي بكام فرصة تنجيه والعاصي مُصر يعيش ف ضلال والتالتة هتكسر وتعور وتموت فيه ربك عادل وكريم جداً والحق هيجيي لأصحابه مهما هيتخبي ويبني حصون! ربك طمنا بأية وقال : " وعند الله تجتمع الخصوم " #AmiraElBilay #مني_اليكي #اميره_البيلي