WALIMU WENGINE WA AJIRA MPYA WAHITIMU MAFUNZO MAALUM KOROGWE

KOROGWE Mafunzo maalum ya walimu awamu pili ya ajira mpya ya masomo ya Elimu ya Biashara na Amali yamehitimishwa leo, yakifanyika katika Chuo cha Ualimu Korogwe, mkoani Tanga. Mafunzo hayo yaliyoanza rasmi tarehe 19 Juni, yamewakutanisha walimu 442 kutoka mikoa Morogoro,Kilimanjaro,Arusha, na Tanga, ikiwa ni sehemu ya juhudi za serikali ya awamu ya sita kuandaa rasilimali watu kwa maendeleo endelevu. Kupitia hotuba ya Naibu Katibu Mkuu Elimu kutoka Ofisi ya Rais – TAMISEMI, Bw. Atupele Mwambene aliyemwakilisha Katibu Mkuu wa TAMISEMI, Bw. Adolf Ndunguru, Serikali imesisitiza dhamira yake thabiti katika kuboresha elimu kupitia Mtaala ulioboreshwa kwa walimu wote nchini.