WIZARA YA KATIBA NA SHERIA YATOA MAFUNZO YA URAIA NA UTAWALA BORA.

Mkuu wa Wilaya ya Mpwapwa Mhe Dkt Sophia M Kizigo ameishukuru Serikali kupitia Wizara ya Katiba na Sheria kwa kutoa mafunzo ya uraia na utawala bora kwa viongozi wa Serikali za Mitaa katika Halmashauri ya Wilaya ya Mpwapwa yaliyofanyika leo katika ukumbi wa Shule ya Mpwapwa Sekondari Mei 26,2026.Akizungumza wakati akifungua mafunzo hayo Dkt Kizigo ameeleza kuwa mafunzo hayo yana mchango mkubwa katika kujenga viongozi wenye uadilifu, maadili, uwajibikaji na uzalendo, ambazo ni sifa zitakazoleta tija katika utumishi wao wa umma na kuwezesha kulitumikia Taifa kikamilifu.Naye Bw. Nickson Maleko, Wakili wa Serikali – Wizara ya Katiba na Sheria na muwasilisha mada ya Usimamizi wa Rasilimali za Nchi, ameeleza kuwa mali na rasilimali asilia za nchi kama ardhi, misitu, maji, madini, wanyamapori, bahari, gesi asilia, ni msingi mkubwa wa maendeleo ya taifa na ustawi wa wananchi. “Viongozi wa serikali za mitaa wana jukumu muhimu katika kuhakikisha rasilimali hizi zinalindwa, zinatumika kwa ufanisi, na zinawanufaisha wananchi wa sasa na vizazi vijavyo.” Aliongeza Bw. Nickson MalekoViongozi wa serikali za mitaa wameelezwa kuwa wana nafasi kubwa katika kuhakikisha mali na rasilimali za nchi zinasimamiwa kwa uadilifu, uwazi, na kwa kuzingatia misingi ya utawala bora kwani Ulinzi wa rasilimali ni jukumu la kila mwananchi, lakini viongozi wanapaswa kuwa mfano bora katika kusimamia na kulinda mali za Umma.