''URFALI AZMİ'NİN LAR REDİFLİ GAZELİ'' Okuyan: Gazelhan Hamza Baybostancı

Aldı aklım yine serden tâze sevdâlar benim Zülf-i sünbül bûy-ı gîsû-yı semen-sâlar benim Kays-veş bir Leylî’nin Mecnûnuyum şâyestedir Deşt-i aşk içre enîsim olsa şeydâlar benim Öyle sermestim ki nîk ü bed nedir fark etmezem Zerrece yokdur gözümde olsa dünyâlar benim Meh-cebînim dil verelden kâmet-i mevzûnuna Hâr u has gibi gözümde serv-i bâlâlar benim Ârzû-yı bûs-ı la’linle turunc-ı gabgabın Hâne-i gönlüm harâb eyler bu ayvalar benim Bana nisbet zâlim eylersen rakîbe iltifât Gûşuma bir dürlü girmez gadr-i bîcâlar benim Ben gibi yekpâre hâb-ı gaflete dalmış yatur Cism-i bî-cân gibidir indimde ahyâlar benim Vaslına cân nakdi verdim yine bâzâr uymadı Oldu Azmî etdiğim bî-câ temennâlar benim ------------------------------------------------------------------ Âşık ol ey dil tarîk-ı aşka eyle iktidâ Sâlikân-ı râh-ı hakka aşkdır râh-ı hüdâ Bahr-i aşka soyunup gavvâs olanlar ey gönül Dediler deryâ-yı aşka yoldur aslâ intihâ Rehber-i evlâsı aşkdır lâ mekân iklîminin On sekiz bin âlem anda gark olupdur bî-riyâ Vâkıf olmak ister isen “küntü kenz” esrârına Aşka yapış kalmasın gönlünde aslâ mâsivâ Yâ ilâhî zât-ı pâkin hürmeti-çün kıl kerem Zerre-i aşkın ümîd eyler Emîn-i bî-nevâ ------------------------------------------------------------------- Ben ki meftûn-ı kemâl-i hüsnünün hayrânıyım Bâr-gâhından beni gel sürme Allah aşkına Takatim var mı benim seyr etmeğe çeşmânını İzz ü nâz ile bana süzdürme Allah aşkına Sahib-i arz-ı kalb-i halisdir EDİB-i pür-melûl Gelmişim ben dergâhından sürme Allah aşkına ------------------------------------------------------------------------------ Kanun:İbrahim Çelik Keman:Ahmet Şenbahar Ud:Emin Mumcu