【18區搵食-直踩火炭工廠買糕點之成功解鎖新體驗】

【18區搵食-直踩火炭工廠買糕點之成功解鎖新體驗】邊個話火炭冇嘢食｜工業區先最多寶藏｜$76食超足料鹹豬手｜順香園餅家新鮮糕點｜豆沙燒餅拎到上手仲係暖㗎｜美景快餐炸雞髀出色｜外表頹但味道滿分｜韓國人開嘅正宗韓國餐廳｜燒牛肉飯糰有得玩有得食 0:00 介紹 0:38 圓點工房 4:50 順香園餅家 11:03 美景快餐 13:51 「攝影師推介」歌美咖啡店 15:45 K-Pop snack 20:08 總結 今集嚟到比較冷門嘅火炭搵食，眾所週知火炭係傳統工廠區，以為佢係美食沙漠？咁諗就錯喇，其實唔少工業中心都臥虎藏龍，一樣咁多好嘢食！ 第一間圓點工房，係Cam Man喺舊公司過時過節，成班同事一定會嚟嘅餐廳，呢度主打性價比超高午餐！$76就食到足料鹹豬手，仲要包埋沙律、餐湯、餐包同餐飲，咁抵食邊度搵啊？豬手夠大隻，仲會貼心地幫你切好晒啲肉，除咗略嫌個皮有啲硬，冇嘢好挑剔。雖然牛肉漢堡唔夠juicy，食落有啲乾身，但勝在量夠大，有齊沙律同薯角，超級飽。 有冇諗過火炭工廈買中式唐餅？原來火炭工廈隱藏美食真係唔講得笑，直接去工廠買都唐餅糕點真係第一次。今次嚟到順香園餅家，一入門口已經見到放滿唔同嘅中式唐餅，姐姐仲好好人，見我未食過嚤囉酥特登請我試食，呢份人情味勝於一切。而且順香園餅家嘅食品大部分都係$5一包，完全係佛心價！差唔多過年，上去買定啲年貨就perfect啦！ 工廠區當然多飯堂快餐，好似呢間美景快餐，經過會以為佢係頹頹快餐，不過有時就係愈頹先愈好味！一份午餐包埋嘢飲$50有找，炸雞髀出色，外皮炸至金黃酥脆，內裏雞肉嫩滑juicy，又係一間火炭友嘅糧尾恩物。 最後呢間K-Pop snack，係正宗韓國人開嘅餐廳，燒牛肉飯糰有得玩有得食，自己親手將白飯捏做飯糰形狀，面層佈滿脆紫菜，底下係白飯＋燒牛肉，將佢哋混合再捏成小球形狀。（一路捏一路浮現出韓國working holiday嘅回憶）。另外仲有小食併盤，一次過試勻3款韓國小食，炸雞同紫菜粉絲卷用嚟送酒一流～ 大家平時去火炭又會食邊幾間餐廳？歡迎留言話俾我聽！ 圓點工房 地址：火炭山尾街31-41號華樂工業中心A/B座3樓23-26室 德國原隻鹹豬手配蜜糖芥末醬 配沙律 $76 隨餐附送是日餐湯、餐飲及麵包 重量級大胃王牛肉漢堡 配薯角&沙律 $73 順香園餅家 地址：火炭山尾街23-25號宇宙工業中心4樓B座 嚤囉酥 $5 馬仔 $5 豆沙燒餅 $5 美景快餐 地址：火炭山尾街18-24號沙田商業中心地下5號鋪 午餐D 炸雞髀煎蛋飯 $48 K-Pop snack 地址：火炭坳背灣街14號金豪工業大廈1期地下B6鋪 燒牛肉飯糰 $49 Snack combos （韓式粉絲，炸雞粒，紫菜粉絲卷） $68 主持、撰文：Yvonne Lam 攝影、剪接：Doris Wong 美術：Anita Lam TalkFood 先填飽肚子再前進 YouTube :    / talkfood   Facebook :   / talkfood   Instagram : https://instagram.com/talkfood?igshid... 延伸閱讀： 【一年容易又聖誕之銅鑼灣3間Y比登Pizza店】    • 【一年容易又聖誕之銅鑼灣3間Y比登Pizza店】   【18區搵食-大角咀3.0之食極唔完 點解咁多好嘢食！】    • 【18區搵食-大角咀3.0之食極唔完 點解咁多好嘢食！】   【荃灣家姐黃溢濠帶路之路德圍掃街＋尋找全港最後一個麥當勞叔叔】    • 【荃灣家姐黃溢濠帶路之路德圍掃街＋尋找全港最後一個麥當勞叔叔】