【#18區搵食 — 粉嶺除咗群記豬手，泰式脆豬仲好食！】群記伏唔伏？｜牛丸好食過豬手｜雄泰世一｜等4個字都值得嘅燒牛仔骨飯｜唔脆唔賣嘅淨脆豬｜終於搵到大過Y小編塊面嘅雞髀｜堅係大大大髀

【#18區搵食—粉嶺除咗群記豬手，泰式脆豬仲好食！】群記伏唔伏？｜牛丸好食過豬手｜雄泰世一｜等4個字都值得嘅燒牛仔骨飯｜唔脆唔賣嘅淨脆豬｜終於搵到大過Y小編塊面嘅雞髀｜堅係大大大髀｜「我冇罪」飲完都變有罪｜朱古力三重奏 開場白 0:00 群記牛肉圓豬手 0:40 雄泰 3:35 士多冰室 7:46 Y小編揾朋友 10:54 CoHee 11:46 總結 16:02 本地遊第一次嚟到北區搵食！最初對粉嶺嘅印象真係美食沙漠，好彩有熟人介紹咗幾間餐廳俾我，食完發現，原來粉嶺都幾多好嘢食喎～ 第一間嚟到好出名嘅群記牛肉圓豬手，嗱，大家唔好鬧住先，我知好多人都話依家嘅群記差咗好多，但佢作為粉嶺名店，第一次去粉嶺點都要試吓嘅。叫咗豬手牛丸雙併粉麵，豬手處理得唔錯，零膻味，口感不錯；個人更愛牛丸，牛味濃郁又彈牙，雖然人人大讚佢嘅辣椒油，可惜太重蒜味，Y小編表示食唔慣@@家鄉炸卷份量多，入面嘅肉質好結實，感覺似食緊肉餅，出面層腐皮再脆啲就好喇～ 第二間雄泰係好多粉嶺人都鍾意幫襯嘅平價泰國餐廳，睇吓個餐牌，真係想試晒成個Menu，每樣食物都好吸引！叫咗泰式燒牛仔骨飯，事關好少見泰國餐廳提供牛仔骨。店員話明要等4個字，即20分鐘，如果大家有時間，都建議真係等下！皆因個牛仔骨燒得好香！肥瘦適中，口感軟腍，仲超入味！另外泰式淨脆豬都好正，食落有啲似香港嘅燒肉，不過佢層皮就更加脆身，蘸少少泰式辣醬，堪稱完美！椰青奶昔好似椰奶咁@@甜度適中～ 第三間叫做士多冰室，佢哋嘅餐牌好搞笑，作為雞髀師，當然要嗌大大大髀香葱碳水化合物，食過咁多隻炸髀，終於有一隻雞髀係大過我塊面（好感動）。不過雞髀大還大，但雞皮炸得好硬，肉質唔算juicy，有待改善～ 最後嚟到CoHee，選址於前粉嶺裁判法院，除咗嚟呢度嘆啡，仲可以欣賞埋啲建築，地方好開揚，坐得舒服，非常適合me time。揀咗一杯「我冇罪」，非常之邪惡，入面有朱古力奶蓋、朱古力沙冰同朱古力碎，螞蟻人表示唔太甜，飲一啖非常滿足。Creamy Black比起平時就咁飲嘅齋Black，口感更細滑，配埋Mochi Roll Cake剛剛好～入面嘅麻糬非常軟Q，抹茶甘香，味道不錯～ 嚟粉嶺你哋又會食邊幾間餐廳？歡迎留言話我聽^^ 記得今晚9點準時上YouTube睇片喇～ 群記牛肉圓豬手 地址：粉嶺聯和墟聯昌街5號豐景樓地下 雙併粉面 $47 （牛丸 豬手） 家鄉炸卷 $42 雄泰 地址：粉嶺和泰街21號地鋪 泰式燒牛仔骨飯 $65 泰式淨脆豬 $50 椰青奶昔 $28 士多冰室 地址：粉嶺聯和墟聯興街21號地鋪 大大大髀香葱碳水化合物 $52 CoHee 地址：粉嶺馬會道302號地鋪 我冇罪 $58 Creamy Black $38 Mochi Roll Cake $48 （Matcha） 主持、撰文：Yvonne Lam 攝影、剪接：Doris Wong 美術：Anita Lam TalkFood 先填飽肚子再前進 YouTube :    / talkfood   Facebook :   / talkfood   Instagram : https://instagram.com/talkfood?igshid... 延伸閱讀： 【18區搵食-九龍城偽泰國之旅x泰國雜貨鋪爆買唔知乜東東零食】    • 【18區搵食-九龍城偽泰國之旅x泰國雜貨鋪爆買唔知乜東東零食】呢排勁紅泰國雜貨店尋寶...   【18區搵食 一年一度情人節 打卡系日式梳乎厘班戟伏唔伏？！】    • 【18區搵食 一年一度情人節 打卡系日式梳乎厘班戟伏唔伏？！】氹女朋友系列｜男友fr...   【18區搵食-旺角吃什麼？$100有找威靈頓牛柳＋關注組大推旦王酸辣粉】    • 【18區搵食-旺角吃什麼？$100有找威靈頓牛柳＋關注組大推旦王酸辣粉】