ကျားဖြန့်မှာ မြန်မာစစ်တပ် ပါဝင်နေတယ်လို့ အမေရိကန် သတ်မှတ် (ရုပ်/သံ)

ဧရာဝတီ၊ ဒီဇင်ဘာ ၄၊ ၂၀၂၅ နိုင်ငံခြားငွေလိမ်လည်မှုဂိုဏ်းများ ဖြိုခွင်းရေး အက်ဥပဒေ (Dismantle Foreign Scam Syndicates Act) HR 5490 ကို အမေရိကန်အောက်လွှတ်တော် နိုင်ငံခြားရေးကော်မတီက ဒီဇင်ဘာ ၃ ရက်နေ့မှာ အတည်ပြုလိုက်ပါတယ်။ အမေရိကန်အစိုးရအေဂျင်စီတွေ စုပေါင်းပါဝင်မယ့် လုပ်ငန်းအဖွဲ့ ဖွဲစည်းရေးနဲ့ ပတ်သက်တဲ့ ဒီဥပဒေကို ဆွေးနွေးခဲ့ကြပြီး ကန့်ကွက်သူမရှိတာကြောင့် အတည်ပြုလိုက်ကာ လွှတ်တော်အစည်းအဝေးတွေကို ဆက်လက်တင်သွင်းသွားမှာ ဖြစ်ပါတယ်။ နိုင်ငံခြားရေးကော်မတီရဲ့ အတည်ပြုချက်ထဲမှာ ကျားဖြန့်လုပ်ငန်းမှာ မြန်မာစစ်တပ်က ပါဝင်နေပြီး အွန်လိုင်းကျားဖြန့် လိမ်လည်မှုကို ခွင့်ပြုတယ်၊ လျစ်လျူရှု့တယ်၊ အမြတ်အစွန်းရယူတယ်လို့ ပါရှိပါတယ်။ မြန်မာစစ်တပ်ရဲ့ ပါဝင်ပတ်သက်နေမှုတွေကို စုံစမ်းစစ်ဆေးသွားမယ်လို့လည်း ဆိုပါတယ်။ အမေရိကန်ပြည်သူတွေကို ထိခိုက်နစ်နာစေတဲ့ ဒီကျားဖြန့် လုပ်ငန်းတွေကို ဖြိုခွင်းဖို့ဟာ အရေးတကြီး လုပ်ဆောင်ရမှာဖြစ်တယ်လို့လည်း အတည်ပြုဆုံးဖြတ်လိုက်ကြပါတယ်။ ကျားဖြန့်လုပ်ငန်းမှာ မြန်မာစစ်တပ်ဘယ်လိုပါဝင်ပတ်သက်နေတာလဲ၊ ဒီဥပဒေအရ ဘယ်လိုအရေးယူနိုင်မှာလဲ၊ အမေရိကန်ရဲ့ ကျားဖြန့်နှိမ်နင်းရေးကို ဘယ်လိုတွေ ဆောင်ရွက်နေတာလဲဆိုတာတွေနဲ့ပတ်သက်ပြီး Burma Research Institute ရဲ့ CEO ဖြစ်တဲ့ Pu Zo Tum Hmung ကို ဧရာဝတီက ဆက်သွယ်မေးမြန်းထားပါတယ်။ #မြန်မာ #ဧရာဝတီ #ကျားဖြန့် #မြန်မာစစ်တပ် #HR5490 #အမေရိကန် #နိုင်ငံခြားရေးကော်မတီ #ဥပဒေ #WhathappensInMyanmar စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။ Support The Irrawaddy: https://bit.ly/supporttheirrawaddy