Khit Thit Afternoon News | June 15, 2026

Khit Thit သတင်းဌာန၏ ဇွန် ၁၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၁၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ စစ်အာဏာရှင်တော်လှန်ရေး လုပ်ငန်းစဉ်တွေကို တန်ပြန်ပံ့ပိုးပေးဖို့နဲ့ နိုင်ငံရေးအကျဉ်းသားအားလုံး ရုန်းထွက်လွတ်မြောက်ရေးအတွက် ပြည်တွင်း၊ ပြည်ပမှာရှိတဲ့ ပြည်သူလူထုတစ်ရပ်လုံး ပါဝင်မယ့် "နိုင်ငံတကာလှုပ်ရှားမှု - ROSE Movement: Roses of Hope" ဒါမဟုတ် နှင်းဆီလှုပ်ရှားမှုကို နိုင်ငံတော်ရဲ့ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ရဲ့ ၈၁ နှစ်ပြည့်မွေးနေ့ဖြစ်တဲ့ လာမယ့် ဇွန်လ ၁၉ ရက်နေ့မှာ တစ်ခဲနက် ဆင်နွှဲသွားမယ်လို့ တရားဝင် ထုတ်ပြန်ကြေညာလိုက်ပါတယ်။ -တောင်ကိုရီးယားနိုင်ငံ ဆိုးလ်မြို့မှာ နိုင်ငံတော်ရဲ့ အတိုင်ပင်ခံပုဂ္ဂိုလ် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အသက် ၈၁ နှစ်ပြည့် မွေးနေ့ “သက်ရှိထင်ရှား သက်သေပြပါ” ၊ “Proof of Life” ကမ်ပိန်း လှုပ်ရှားမှုကို မနေ့က နေ့လယ်ပိုင်းမှာ ဆိုးလ်မြို့လယ် မြောင်ဒုံမှာ ပြုလုပ်ကျင်းပခဲ့တယ်လို့ သိရပါတယ်။ မြန်မာနိုင်ငံအတွင်းမှာ မြေငလျင်တွေ ဆက်တိုက် လှုပ်ခတ်နေပါတယ်။ မနေ့က ဇွန်လ ၁၄ ရက်နေ့ ညနေ ၅ နာရီ ၉ မိနစ်မှာ ရန်ကုန်တိုင်း၊ သန်လျင်မြို့ အနီး မြေအောက်အနက် ၁၀ ကီလိုမီတာခန့်ကိုဗဟိုပြုပြီး ရစ်ခ်တာစကေး ၄.၁ အဆင့် အင်အားအနည်း ငယ်ရှိတဲ့ ငလျင်တစ်ခု လှုပ်ခတ်ခဲ့ပါတယ်။ အစ္စရေးစစ်တပ်ဟာ အောက်တိုဘာ ၇ ရက် ၂၀၂၃ ခုနှစ် ဂါဇာစစ်ပွဲ စတင်ကတည်းက သူတို့ အမှန်တကယ် ထိန်းချုပ်ထားတဲ့ နယ်မြေပမာဏကို တရားဝင်မြေပုံတွေ မှာ ထည့်သွင်းဖော်ပြဖို့ ပျက်ကွက်ခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။