Земјоделството бележи пад, се помалку земјоделци и производство, а се повеќе советници на министерот

Излагање на пратеникот Реџеп Исмаил по однос на интерпелацијата за Министерот за земјоделие Цветан Трипуновски. „Основното прашање коешто се поставува и сите го поставуваат како е можно државата сите овие години да троши толку огромни ресурси, стотици милиони евра, а да бележи пад на основните производни показатели? Kако е можно државата да инвестира толку многу пари во земјоделието, во субвенирањето, а сепак на крај да имаме помалку овци, помалку производство на млеко, помалку производство на ориз, помалку земјоделски производи, помалку рибарство, сè полоша состојба на шуми? Почитувани колеги, ако ја видите систематизацијата на Министерството, вие ќе приметите дека ова Министерство веројатно ja имитира структурата на Обединети Нации. Tука има толку сектори, толку раководни позиции, толку многу луѓе. Имате дури тринаесет државни советници. Систематизацијата не е достапна да видиме колку административни работници имате во Министерството, Но, на терен не можете да спроведете дали некој навистина зема субвенции од тоа што има коштан или цреши или нема насадено ништо. Има многу случаи такви. Еве зошто не можете, затоа што преполни сте со администрација.“