Преку казина го перете црниот кеш од вашиот криминал и затоа не смеете да ги затворите коцкарниците

,,Денешниот предлог-закон за игри на среќа кој го разгледуваме, да беше 2023 година и сегашниот вицепремиер Изет Меџити да беше опозиција, ќе излезеше на оваа говорница и ќе кажеше дека овој закон е смешен закон. Зошто?! Затоа што токму сегашниот вицепремиер Меџити во 2023 година изјавуваше дека растојанието од 500 метри за дислокација на коцкарниците е смешно, и дека неговата партија ќе поднесе амандман за три километри. Јас ќе најавам дека Левица ќе интервенира амандмански на овој закон и се надевам дека ќе бидат прифатени амандманите, како што ветувавте во опозиција. Осумдесесет проценти од бизнисот со казина во Македонија е во сопственост на австриската фирма ,,НОВОМАТИК". Уште во 2015 година, Блумберг пишува дека ,,казината во Парагвај, Перу и Јужна Африка, земји каде Новоматик делува, беа обележани од страна на САД како канали за перење пари од страна на криминалните шефови и бароните на дрогата". Колку е поголем бројот на казина и коцкарници во една држава, толку е повисок степенот на организираниот криминал во таа држава. Со оваа тенденција на казина која ние ја имаме, Македонија е рај за организираниот криминал!"