Kryeministri Sali Berisha për menaxhimin e situatës nga shpërthimi i Gërdecit-(17 Mars 2008)

Lajme Arkiva 2008 Komiteti i Emergjencave Civile është mbledhur për të diskutuar mbi kapërcimin e situatës në Gërdec. Kryeministri Berisha foli për ndihmën e menjëhershme financiare dhe logjistike për familjet e dëmtuara, për operacionet e pastrimit të zonës nga rrënojat dhe municionet, si dhe për rindërtimin e shtëpive. Sali Berisha: “Probleme shumë serioze fillojnë dhe do fillojnë ne fshatin Gërdec dhe në zona të tjera ku ka shtëpi të prishura, kafshë të mbetura nën rrënoja, të cilat kërcënojnë në qoftë se nuk ndërmerren masa të shpejta dhe me përhapje epidemie, të bërë burime ndaj dhe asgjë më të rëndësishme se pastrimin e zonës së pari nga minat, nga gjylet dhe së dyti nga rrënojat nuk ka. Në këtë operacion dua të angazhohet Xhenio, duhet të punësohen me kontratë punëtorë nga fshatrat aty, nga zona. Shpejtësia është kushti i kushteve për të mbyll sa më shpejt këtë fatkeqësi Ne do të zhdëmtojmë dëmin e krijuar. Të gjitha dëmet e vlerësuara në një shifër të përafërt dhe pastaj ne duhet t’i kemi nesër për të kërkuar ndihma sepse ndihma janë ofruar, nga vende mike, nga institucione ndërkombëtare, por duhet t’u drejtohemi sikundër janë hapur numrat e llogarive. Unë u bëj thirrje të gjithë qytetarëve, të gjithë punonjësve të kontribuojnë në këto numra llogarie. Personalisht do të kontribuoj me një rrogë mujore familjare, por kush të mundet të kontribuojë në këtë fond për qytetarët e Bashkisë së Vorës është një moment i rëndësishëm për të dëshmuar solidaritetin”. Kryeministri Berisha theksoi se do të veprohet në mënyrë efikase, ndërsa kërkoi intensifikimin e operacioneve kërkimore. Sali Berisha: “Të intensifikohen kërkimet në rrënojat, në gërmadhën e fabrikës dhe zonën e kraterit në qoftë se lejojnë shpërthimet sepse aty ka shpërthime. Dje ka patur shpërthime të herëpashershme, të parëndësishme, por po aq të rrezikshme për jetën. Ministria e Shëndetësisë të ndjekë me të gjithë potencialin gjendjen e të plagosurve. Shpejtësia është kushti i kushteve për të mbyllur sa më shpejt këtë fatkeqësi.”/tvklan.al Gazetar: Fatos Hakorja SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/