Kryeministri Berisha viziton të plagosurit në spital pas shpërthimit në Gërdec - (15 Mars 2008)

Lajme arkiva 2008 Gazetarja: Zoti Berisha keni informacion, si është gjendja?” Sali Berisha: “Së pari informacion të plotë për vendngjarjen nuk kemi, por të dhënat e para janë jashtëzakonisht shqetësuese. Në vendngjarje duhet të ketë një numër të konsiderueshëm viktimash. Ministria e Mbrojtjes, qeveria e tëra është në vendngjarje, domethënë me autoblinda, po afrohen shtëpitë përreth në mënyrë që të nxirren në qoftë se ka. Nuk ka të dhëna se ka viktima në shtëpitë përreth, por këto që flas unë janë pikërisht të depove, sepse ka qenë në një proces çmontimi municioni. Një kompani, e cila ishte e kontraktuar për këtë proces.” Gazetarja: Sa depo ka në atë zonë? Sali Berisha: “Jo ajo depo ka qenë aty, por sasia e municionit e vendosur aty për çmontim ka qenë e madhe.” Gazetarja: Sa është? Sali Berisha: “Tani sasia është e vështirë të them këtu, por ka qenë jo e vogël sa ç’i patë eksplozionet.” Gazetarja: A mund të ketë shpërthime të tjera? Sali Berisha: “Shpërthime të tjera mund të ketë, por ndofta të këtij karakteri kaq të fuqishëm sepse nuk mund të them, por ka shumë mundësi që kjo të ketë qenë pjesa e barutit, ose ky i madhi fare që u ndje kaq shumë dhe në vende të tjera.” Gazetarja: Rrezikohen dhe zona të kryeqytetit? Sali Berisha: “Zonat e kryeqytetit nuk rrezikohen, por kjo është një tragjedi shumë e madhe të them të vërtetën është një gjë jashtëzakonisht e...” Gazetarja: Keni kërkuar ndihmë nga ndërkombëtarët? Sali Berisha: “Ne po e kontrollojmë situatën, jemi në kontakt me, unë isha në spital Ushtarak. Ka shumë të plagosur, po 4 janë rëndë, u kërkova mjekëve të bëjnë bilancin edhe në çdo rast ne jemi të gatshëm të japim çdo lloj ndihme që nevojitet. Erdha këtu, edhe këtu janë dy rëndë, të njëjtën gjë u shpreha mjekëve në qoftë se ka domethënë domosdoshmëri për çdo lloj ndihme që këtyre u nevojitet, qeveria është e gatshme. Natyrisht këtu bëhet fjalë për një gjendje shoku përveç djegies e cila ka emergjencën më të madhe ndihmën e parë. Këta do t’i japin, po ndiqen, një shtab është krijuar në Vorë, një shtab tjetër këtu, po e ndjekin dhe jemi të vendosur të japim çdo lloj ndihme, por me sa duket bilanci është mjaft i rëndë, bilanci i viktimave tek depoja, sepse duket një bilanc shumë i rëndë.” Gazetarja: Ka ministria e Mbrojtjes ndonjë numër të ushtarëve apo oficerëve që ndodheshin aty? Sali Berisha: “Jo këta kanë qenë në tërësi punëtorë të kontraktuar nga kompania private. Mund të ketë pasur dhe oficer të kontraktuar, por kjo ka qenë një veprimtari tërësisht e një, domethënë ka qenë një veprimtari tërësisht private, një kompani e specializuar në çmontimin e municioneve, është kontraktuar për të bërë këtë çmontim.../tvklan.al Gazetare: Elja Zotka SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/