Të plagosurit e Gërdecit vizitohen nga kryeministri Berisha, Edi Rama dhe Topalli - (16 Mars 2008)

Lajme arkiva 2008 Kryeministri Sali Berisha vizitoi të plagosurit në spitalin Ushtarak të Tiranës. Kreu i qeverisë pasi u interesua për shëndetin e tyre shprehi edhe njëherë mbështetjen për tu ardhur në ndihmë me çdo mjet. Sali Berisha: “Në Durrës dhe në qendrën Nënë Tereza me gjithë vështirësitë e natës janë në tërësi më mirë. Janë nisur mbrëmë për mjekim më të thelluar në Greqi, 5 të sëmurë dhe janë nisur 4 për në Itali.” Gazetari: A priten të nisen të tjerë zoti kryeministër? Sali Berisha: “Edhe mund të nisen. Duhet të shfrytëzoj këtë rast dhe qëllimi i dytë i ardhjes time këtu është të shpreh mirënjohjen më të thellë para mjekëve, infermierëve punonjësve të këtij spitali, të spitalit Nënë Tereza, të spitalit të Durrësit të spitalit të Krujës.” Kryeministri bashkëbisedoi edhe me familjarë të disa personave të plagosur dhe atyre të zhdukur. Qytetari 1: “Shefki Cane, Bukurie Cane, Velie Kaca dhe Cen Cane”. Sali Berisha: Çfarë pune bëjnë aty punëtorë apo? Qytetari 1: “Punëtorë” Sali Berisha: “Në Kavalishencën e policisë? Qytetari 1 : “Po kam qenë, gjithë natën kam lëviz”. Sali Berisha: “Edhe ne do të bëjmë çdo gjë”. Qytetari 1: “I nderuar qofsh në shpresën tuaj.” Qytetari 2: “Zoti kryeministër edhe unë kisha diçka”. Sali Berisha: “Patjetër”. Qytetari 2: “Nusja e nipit nuk duket askund.” Sali Berisha: “Si quhet?” Qytetari 2: “Shqipe Alhasa me tre kalamajtë”. Sali Berisha: “Sa vjeç është?” Qytetari 2: “Është 25 vjeç e kemi kërkuar të gjithë spitalet, kemi shkuar edhe te shkolla e Bashkuar nuk figuron askund. Sali Berisha: “Ka qenë në punë?” Qytetari 2: “Ka qenë punonjëse në punë.” Sali Berisha: “Shqipe Alhasa, a shkove tek spitali sipër?” Qytetari 2: “Nuk kam lënë vend pa e kërkuar edhe në Durrës kemi çuar edhe në Fushë-Krujë kemi shkuar.” Sali Berisha: “Ne do të bëjmë çdo gjë për të mundur ta gjejmë.” Qytetari 2: “Lutemi shumë sa më shpejtë aq më mirë, sepse jemi të gjithë në tension.” Sali Berisha: “Shiko ne e kuptojmë shumë mirë tensionin tuaj dhe në do bëjmë çdo gjë që të mund t’ju lehtësojmë këtë dhimbje të madhe që iu ka rënë juve.” Po kështu në spitalin Ushtarak ishte edhe kryetarja e Parlamentit Jozefina Topalli dhe kryetari i PS Edi Rama. Jozefina Topalli: “Janë 37 të tjerë të sëmurë që po trajtohen me një kujdes të veçantë, është diçka e jashtëzakonshme që pa i bërë thirrje stafit të shërbimit të spitalit, në fakt ata të gjithë ka ardhur në sekondë sapo kanë dëgjuar në televizor për këtë tragjedi.” Edi Rama: “Besoj është rasti për të falënderuar nga zemra të gjithë ata djem nënash policë, ushtarë, që u angazhuan dje dhe vazhdojnë të jenë të angazhuar sot, forcat Xhenios për mënyrën se si i dolën përballë kësaj katastrofe.” Pas kësaj si kreu i qeverisë ashtu edhe kryetari i PS udhëtuan drejt Kavalishencës në Durrës ku gjenden familjet e evakuuar nga Gërdeci. Berisha premtoi se ky fshat do të rindërtohet. Sali Berisha: “Ne po merremi me kërkim-shpëtimin e njerëzve, po merremi me pastrimin e zonës. E kemi shpallur zonë fatkeqësie, zonë emergjence. Dhe në këtë kontekst shteti do të ndërmarrë të gjitha masat që dëmet të rindërtohen...”/tvklan.al Gazetar: Fatos Hakorja SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow rtvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/