**အစားအသောက်ဘေးကင်းရေးအတွက်** တည်ဆောက်ကြစို့(Let's Build!) #foodsafety #nutritioneducation #ag2nut

*ဘေးကင်းလုံခြုံပြီး အရသာရှိသော အစားအသောက်များအတွက် အခြေခံစည်းမျဉ်း (၁၅) ချက်* ၁။ စားသောက်သည့်နေရာနှင့် အစားအစာပြင်ဆင်သည့်နေရာများသည် သန့်ရှင်းပြီး စနစ်တကျရှိရပါမည်။ ၂။ အစားအစာများကို ကြမ်းပြင်ပေါ်တွင် သို့မဟုတ် အိမ်သာအတွင်းနှင့် အိမ်သာရှေ့များတွင် ပြင်ဆင်ချက်ပြုတ်ခြင်းမပြုရဘဲ၊ ကြမ်းပြင်မှ အနည်းဆုံး ၆၀ စင်တီမီတာအမြင့်ရှိသော စားပွဲ သို့မဟုတ် စင်ပေါ်တွင်သာ ပြင်ဆင်ချက်ပြုတ်ရပါမည်။ ၃။ FDA နံပါတ် သို့မဟုတ် စက်မှုဝန်ကြီးဌာန၏ အသိအမှတ်ပြုလက်မှတ်ရရှိထားသော ဘေးကင်းသည့် အစားအစာဖြည့်စွက်ပစ္စည်းများကိုသာ အသုံးပြုရပါမည်။ ၄။ လတ်ဆတ်သော အစားအစာများကို မချက်ပြုတ်မီ သို့မဟုတ် မသိမ်းဆည်းမီ ဆေးကြောရမည်ဖြစ်ပြီး၊ အမျိုးအစားအလိုက် သီးခြားစီသိမ်းဆည်းရပါမည်။ အသားစိမ်းများကို ၅ ဒီဂရီစဲလ်စီးယပ်စ်အောက်တွင် ထားရှိရပါမည်။ ၅။ ချက်ပြုတ်ပြီးသော အစားအစာများကို သန့်ရှင်းပြီး အဖုံးပါသော ဘူးများတွင်ထည့်ကာ ကြမ်းပြင်မှ ၆၀ စင်တီမီတာအမြင့်တွင် ထားရှိရပါမည်။ ၆။ ရေခဲသည် သန့်ရှင်းရမည်ဖြစ်ပြီး အဖုံးပါသော သန့်ရှင်းသည့်ဘူးတွင် ထည့်သွင်းကာ ကြမ်းပြင်မှ ၆၀ စင်တီမီတာအမြင့်တွင် ထားရှိရပါမည်။ ရေခဲခပ်သည့် ကိရိယာကိုလည်း ထားရှိပေးရပါမည်။ ၇။ အသုံးအဆောင်ပစ္စည်းများကို ဆပ်ပြာဖြင့်ဆေးကြောပြီး ရေသန့် သို့မဟုတ် စီးဆင်းနေသောရေဖြင့် နှစ်ကြိမ်ဆေးရပါမည်။ ဆေးကြောပြီးသော ပစ္စည်းများကို ကြမ်းပြင်မှ ၆၀ စင်တီမီတာအမြင့်တွင် ထားရှိရပါမည်။ ၈။ စဉ်းတီတုံးနှင့် ဓားများသည် အခြေအနေကောင်းမွန်ရမည်ဖြစ်ပြီး ချက်ပြီးသားအသား၊ အသားစိမ်းနှင့် သစ်သီးဝလံ/ဟင်းသီးဟင်းရွက်များအတွက် သီးခြားစီစီစဉ်ပေးထားရပါမည်။ ၉။ ဇွန်း၊ ခက်ရင်းနှင့် တူများကို သန့်ရှင်းကြည်လင်သော ဘူးများတွင် ထောင်လျက်ထားရှိခြင်း သို့မဟုတ် ဗန်းထဲတွင် စနစ်တကျစီထားပြီး ကြမ်းပြင်မှ ၆၀ စင်တီမီတာအမြင့်တွင် ထားရှိရပါမည်။ ၁၀။ အမှိုက်နှင့် ရေဆိုးများကို စနစ်တကျ ပြုပြင်စီမံပြီး စွန့်ပစ်ရပါမည်။ ၁၁။ လက်ဆေးရန်အတွက် ဆပ်ပြာကို အိမ်သာနှင့် မီးဖိုချောင် နှစ်နေရာလုံးတွင် ထားရှိရပါမည်။ ၁၂။ မီးဖိုချောင်ဝန်ထမ်းများသည် လက်ရှိအင်္ကျီများ ဝတ်ဆင်ရမည်ဖြစ်ပြီး၊ အချက်အပြုတ်သမားများသည် သန့်ရှင်းသော ခါးစည်းနှင့် ခေါင်းစွပ် သို့မဟုတ် ဆံပင်ကပ်များ ဝတ်ဆင်ရပါမည်။ ၁၃။ ဝန်ထမ်းများသည် အစားအစာမပြင်ဆင်မီ၊ မချက်ပြုတ်မီနှင့် အစားအစာမချမီ အမြဲတမ်း လက်ဆေးရပါမည်။ ချက်ပြုတ်ပြီးသား အစားအစာများကို လက်ဖြင့်မကိုင်ရဘဲ သင့်လျော်သော ကိရိယာများကို အသုံးပြုရပါမည်။ ၁၄။ ဝန်ထမ်းများတွင် ဒဏ်ရာရှိပါက သေချာစွာဖုံးအုပ်ထားရမည် သို့မဟုတ် အစားအစာနှင့် ထိတွေ့နိုင်သော အလုပ်များကို ရှောင်ကြဉ်ရပါမည်။ ၁၅။ ရေနှင့် အစားအသောက်မှတစ်ဆင့် ကူးစက်နိုင်သော ရောဂါရှိသည့် ဝန်ထမ်းများသည် ရောဂါလုံးဝပျောက်ကင်းသည်အထိ အလုပ်လုပ်ခြင်းကို ချက်ချင်းရပ်နားရပါမည်။ (စားသောက်ဆိုင်လုပ်ငန်းကို စတင်ခဲ့စဉ်မှာ ထိုင်းနိုင်ငံကနေ နမူနာယူလေ့လာခဲ့ဖူးသည့် "Safe Food Good Taste" စည်းမျဉ်းများကို ပြန်လည်မျှဝေပါတယ်။) "မြန်မာနိုင်ငံတွင် ပိုမိုကောင်းမွန်သောအာဟာရအတွက် အတူတကွလုပ်ဆောင်ကြပါစို့(Let's work towards better nutrition in Myanmar!)” (UN Nutrition) #အာဟာရ #ရပ်ရွာကျန်းမာရေး #အာဟာရမြှင့်တင်ရေး #အမူအကျင့်ပြောင်းလဲရေး #ကျန်းမာရေးအစအစားအစာက #Ag2Nut #FBDGs #MyanmarHealth #Nutrition #NutritionAwareness #NutritionEducation #NutritionInvestment #Business4Peace #LetsBuild4OurKids #NutriSST #SSTmyanmar #CommunityRecovery #Resilience #LetsBuild #Myanmar #Rakhine #WomenEmpowerment #HealthyFood #MyanmarLocalBrand #LocalProducts #MyanmarAgriFood #Agriculture #HomeGarden #NutritionGardens #SchoolNutritionGardens #CommunityNutritionGardens #SocialBehaviorChange #SBCC #FoodSafety