Top Channel/ SHBA bombardon Iranin, ndëshkim sepse Irani qëlloi me drone

Shtetet e Bashkuara kanë kryer sulme ajrore ndaj objektivave ushtarake iraniane pranë Ngushticës së Hormuzit, në përgjigje të sulmit të Iranit ndaj një anijeje tregtare që kalonte në këtë korridor strategjik detar. Komanda Qendrore e SHBA-sënjoftoi se avionët amerikanë goditën depo raketash dhe dronësh, si edhe sisteme radarësh bregdetarë iranianë. “Agresioni i pajustifikuar ndaj transportit tregtar shkel qartë marrëveshjen e armëpushimit,” deklaruan amerikanet, duke publikuar edhe pamje nga një prej goditjeve. Sipas një zyrtari amerikan, operacioni nuk sinjalizon rikthimin e një fushate të gjerë ushtarake, por përbën një përgjigje të kufizuar ndaj sulmit iranian. Nga ana tjetër, Garda Revolucionare Iraniane pretendoi se kishte shënjestruar pozicione ushtarake amerikane në rajon si kundërpërgjigje, megjithëse Pentagoni nuk ka konfirmuar një sulm të tillë. Zv/presidenti amerikan JD Vance reagoi ashpër, duke theksuar se Irani kishte nënshkruar marrëveshjen e armëpushimit dhe se çdo mosmarrëveshje duhej zgjidhur përmes dialogut. “Dhuna do të përballet me dhunë. Nëse Irani ka kundërshtime për zbatimin e marrëveshjes, le të marrë telefonin, jo armët,” shkroi ai në rrjetin social X. Presidenti Donald Trump e cilësoi sulmin iranian ndaj anijes si një “shkelje të pamatur” të armëpushimit. Sipas tij, të paktën katër dronë iranianë u lëshuan drejt anijeve që kalonin në Ngushticën e Hormuzit, ndërsa njëri prej tyre goditi një anije të madhe transporti. “Anija pësoi dëme, por vazhdoi lundrimin. Ne rrëzuam tre dronët e tjerë. Nuk duhet të ndodhin gjëra të tilla,” deklaroi Trump. Presidenti amerikan paralajmëroi më herët gjatë ditës se Irani do të përballej me pasoja, duke u mjaftuar me përgjigjen: “Do ta zbuloni.” Sulmi ndaj anijes ndodhi vetëm pak ditë pas marrëveshjes mes Uashingtonit dhe Teheranit për rihapjen e plotë të trafikut në Ngushticën e Hormuzit dhe nisjen e negociatave më të thelluara për programin bërthamor iranian. Incidenti tregon se tensionet në një nga korridoret më të rëndësishme të transportit të naftës në botë mbeten të larta, ndërsa mbetet e paqartë nëse përplasja e fundit do të ndikojë në zbatimin e armëpushimit mes dy vendeve. Pamje: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #SHBA#Hormuz#TopChannelNews