Top Channel/ Rusia nuk e mbron dot Krimenë, Moska shpall emergjencën pas sulmeve ukrainase

Autoritetet e instaluara nga Moska në Krime kanë shpallur gjendjen e jashtëzakonshme rajonale, ndërsa gadishulli po përballet me pasojat e sulmeve ajrore gjithnjë e më të shpeshta nga Ukraina. Guvernatori i emëruar nga Rusia, Sergey Aksyonov, njoftoi se masa është marrë për të mundësuar reagim më të shpejtë dhe për të garantuar funksionimin normal të sektorëve kryesorë. Sipas tij, Krimea po kalon një periudhë të vështirë, me mungesa karburanti dhe ndërprerje të energjisë elektrike, të shkaktuara nga sulmet ukrainase ndaj infrastrukturës në jug të Rusisë, prej nga furnizohet gadishulli. "Nuk mund të them saktësisht sa kohë do të zgjasë kjo situatë dhe as të bëj publik planin e veprimit, por po marrim masa", deklaroi Aksyonov. Ai pranoi gjithashtu se as sistemet ruse të mbrojtjes ajrore nuk janë në gjendje të garantojnë mbrojtje të plotë. Nga ana tjetër, Ukraina i konsideron sulmet ndaj objektivave në Krime dhe infrastrukturës energjetike ruse si kundërpërgjigje ndaj bombardimeve të vazhdueshme ruse mbi civilët dhe rrjetin energjetik ukrainas. Rusia aneksoi Krimenë në vitin 2014, por ky veprim nuk njihet nga shumica dërrmuese e vendeve të botës. Kievi vazhdon ta konsiderojë gadishullin pjesë të pandashme të territorit të Ukrainës dhe ka deklaruar se nuk do të heqë dorë kurrë nga sovraniteti mbi të. Pamje: AFP Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Moska#Krime#TopChannelNews