Përshkallëzohet lufta Rusi-Ukrainë, Kievi gode uzinën ushtarake, Moska përgjigjet me sulm me dronë

Ukraina dhe Rusia kanë shkëmbyer gjatë natës sulme të reja, duke e përshkallëzuar edhe më tej konfliktin mes dy vendeve. Kievi njoftoi se raketat me rreze të gjatë goditën uzinën ushtarake "Titan-Barrikady" në qytetin rus të Volgogradit, ku sipas autoriteteve ukrainase prodhohen sisteme artilerie dhe pajisje të tjera ushtarake. Presidenti Volodymyr Zelensky deklaroi se çdo objekt që furnizon luftën ruse është një objektiv i ligjshëm, ndërsa shtoi se pas goditjes në uzinë shpërtheu një zjarr. Nga ana tjetër, guvernatori i Volgogradit konfirmoi sulmin dhe bëri të ditur se dhjetë persona mbetën të plagosur nga dëmtimet e shkaktuara. Në të njëjtën kohë, Rusia ndërmori një tjetër sulm masiv me dronë ndaj Ukrainës, duke lëshuar 129 mjete fluturuese nga disa drejtime. Sipas Forcave Ajrore të Ukrainës, shumica e dronëve u rrëzuan, por një pjesë arriti të godiste disa objektiva në territorin ukrainas. Në rajonin e Sumit, autoritetet raportuan një viktimë dhe 14 të plagosur, ndërsa sulmet shkaktuan dëme në banesa, automjete dhe infrastrukturë civile. Ndërkohë, në Krimenë e pushtuar nga Rusia është shpallur gjendja e emergjencës pas sulmeve të vazhdueshme ukrainase, të cilat kanë sjellë probleme me energjinë elektrike dhe furnizimin me karburant. Mes luftimeve, Rusia dhe Ukraina realizuan edhe një tjetër shkëmbim të të burgosurve, ku secila palë riktheu nga 160 ushtarë, në një nga rastet e pakta të bashkëpunimit mes dy vendeve. Pretendimet për dëmet dhe humbjet e raportuara nga të dyja palët nuk kanë mundur të verifikohen në mënyrë të pavarur Redaksia e Lajmeve në Radiotelevizionin Shqiptar, transmeton në mënyrë të balancuar informacionet më të rëndësishme, nga vendi, rajoni e bota. Me një shtrirje thuajse në të gjithë vendin, e mbulimin edhe në zonat më të thella, lajmet e përgatitura, transmetohen në mënyrë dinamike dhe ndryshojnë e përmirësohen, në varësi edhe të evoluimit të ngjarjeve. Edicionet informative janë të përditësuara, gjithëpërfshirëse, si në formë, ashtu edhe në përmbajtje. Subscribe to our YouTube Channel: http://bit.ly/3H0S7oQ Find us at: https://www.rtsh.al/ Follow us on social Follow us and get updates from RTSH on social media: Facebook:  / rtshqiptar   Instagram:  / rtshqiptar   Twitter:  / rtshqiptar   Tik Tok:  / rtshqiptar   #lajme #RTSH #news