Khit Thit သတင်းဌာန၏ ဩဂုတ် ၈ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ ဩဂုတ် ၈ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဩဂုတ် ၈ ရက် နေ့လယ်ပိုင်း ရရှိထား အမေရိကန်ပြည်ထောင်စု၊ Indianapolis မှာ ရှစ်လေးလုံး ၃၄ နှစ်ပြည့်အခမ်းအနားကို ဒီကနေ့ ဩဂုတ်လ ၈ ရက်နေ့မှာ ပြုလုပ်ကြပြီး ပြည်ထောင်စုလွှတ်တော်ကိုယ်စားပြုကော်မတီ CRPH ဥက္ကဋ္ဌ ဦအောင်ကြည်ညွန့် ၊ ကဗျာဆရာ အောင်ဝေး ၊ Burmese American Community Institute ဥက္ကဋ္ဌ ဒေါက်တာရိုဒင်း ၊ အရှင်စန္ဒိမာ နဲ့ ပြည်ပရောက် မြန်မာတွေ တက်ရောက်ခဲ့ကြပါတယ်။ ရန်ကုန်မြို့တော်မှာ ဒီကနေ့ ဩဂုတ် ၈ရက်နေ့မှာ ကျရောက်တဲ့ ၈လေးလုံး အရေးတော်ပုံ ၃၄နှစ် မြောက် အထိမ်းအမှတ်အနေ နဲ့ စစ်ကောင်စီ က လုံခြုံရေး အထပ်ထပ် ချထားတဲ့ကြားကနေ ဆူးလေ လူကူးကုန်းတံတား၊ ဗိုလ်ချုပ်ဈေး၊ အင်းလျားကန်ဘောင် နဲ့ လှည်းတန်း စတဲ့ နေရာ အနှံ့ အပြားမှာ'၈' လေးလုံး ဆိုပြီး ရေးဆွဲထားတာတွေအပြင် ၊ ထီးတွေနဲ့ ရန်ကုန်လူထု သပိတ်ကနေ စစ်အာဏာ ရှင်ဆန့်ကျင်ရေး လှုပ်ရှားမှု ပြုလုပ်ခဲ့ပါတယ်။ စစ်ကိုင်းတိုင်း ၊ အရာတော်မြို့နယ် ၊ ကောင်းသစ်ရွာကို အကြမ်းဖက် စစ်ကောင်စီတပ်က သြဂုတ်လ ၇ ရက်နေ့ မွန်းလွဲပိုင်းမှာ ဝင်ရောက်စီးနင်းပြီး ၊ ပြည်သူပိုင် နေအိမ်တွေကို မီးရှို့ ဖျက်ဆီးခဲ့တဲ့သတင်း အပါအဝင်နောက်ဆုံးရသတင်းတွေကို တင်ဆက်ပေးပါမယ်။