khit Thit Evening News | June 26 2026

Khit Thit သတင်းဌာန၏ ဇွန် ၂၆ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၆ ရက် ညနေပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ ကျားဖြန့်ငွေလိမ်လုပ်ငန်းတွေနဲ့ မူးယစ်ဆေးဝါးလုပ်ငန်းတွေမှာပါ တနည်း မဟုတ်တနည်း ပါဝင်ပက်သက်နေတဲ့ မြန်မာစစ်တပ်အုပ်စုက တိုင်းရင်းသား လက်နက် ကိုင်တွေနဲ့ PDF တွေကို မူးယစ်ဆေးဝါး ထုတ်လုပ်၊ သယ်ဆောင်၊ ရောင်း ဝယ်နေတယ်ဆိုပြီး အကြမ်းဖက် စစ်တပ်ရဲ့ ပြည်ထဲရေးဝန်ကြီးဆိုသူ ညွန့်ဝင်းဆွေ က တဖန်ပြည်လည် အပုတ်ချ ပြောဆိုလာပြန်ပါတယ်။ မြန်မာ့အရေး အာဆီယံ ဘုံသဘောတူညီချက်ကို ပြင်ဆင်နိုင်ပေမယ့် အဖွဲ့ဝင်နိုင်ငံအားလုံးရဲ့ သဘောတူညီချက်လိုအပ်တယ်လို့ မလေးရှားနိုင်ငံခြားရေးဝန်ကြီးက ပြောလာပါတယ်။ ချင်းပြည်နယ် တောင်ပိုင်းမှာ ထိုးစစ်ဆင်နေတဲ့ အကြမ်းဖက် စစ်တပ် စစ်ကြောင်းကို ချင်း တော်လှန်ရေးတပ်တွေနဲ့ မကွေးဖက်ဒရယ်ယူနစ်တပ်တွေက ပူးပေါင်းတိုက်ခိုက်နေပြီး စစ်တပ်ဘက်က ထိခိုက်သေဆုံးမှုတွေ တော်တော်ကိုများနေတယ်လို့ ကာကွယ်ရေးဝန်ကြီး ဗိုလ်လက်ယာ က ပြောလာပါတယ်။ အီရန်နိုင်ငံရဲ့ ဟော်မုဇ်ရေလက်ကြား တိုက်ခိုက်မှုတွေထပ်ဖြစ်လာမှုကြောင့် သင်္ဘောတွေ အရေးပေါ် ကယ်ထုတ်ရေး အစီအစဉ်ကို ကုလသမဂ္ဂ UN အဖွဲ့အစည်းက ရပ်ဆိုင်းလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။