Khit Thit Evening News | June 25 2026

Khit Thit သတင်းဌာန၏ ဇွန် ၂၅ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇွန် ၂၅ ရက် ညနေပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ အကြမ်းဖက် စစ်တပ်ကသာ အာဏာမသိမ်းခဲ့ရင် အခုဆို MRT မိုးပျံရထား၊ အဝေးပြေးနှစ်ထပ်လမ်း၊ ဟံသာဝတီနိုင်ငံကာ လေဆိပ်ကြီး နဲ့ အမြန်ရထားစီမံကိန်း တွေ အကောင်အထည်ဖော် ပြီးစီးနေလောက်ပြီလို့ NLD အစိုးရ စီမံ/ဘဏ္ဍာ ဒုဝန်ကြီး ဦးဆက်အောင် ကပြောလာပါတယ်။ -အကြမ်းဖက် စစ်တပ်ရဲ့ ဒုတပ်ချုပ်အသစ် ကျော်စွာလင်းက မြန်မာနိုင်ငံမှာ စစ်တပ် အင်အား လျော့နည်းအောင် ပြည်ပက သွေးထိုးလှုံ့ဆော်နေတယ်လို့ မင်းအောင်လှိုင်ရဲ့ လေသံအတိုင်း လိုက်ပြောလာပြီး သူတို့အနေနဲ့ ထားဝယ်ရေနက်စီမံကိန်း နဲ့ ရေး–ထားဝယ်–မြိတ်–ဘုတ်ပြင်း–ကော့သောင်း လမ်းပွင့်ရေးအတွက် နှိမ်နင်းရေးလုပ်မယ်ဆိုပြီးတော့ပါ ပြောလာ ပြန်ပါတယ်။ ကရင်နီပြည်နယ် ၊ မိုးဗြဲမြို့ပြင်မှာ အကြမ်းဖက် စစ်တပ် စစ်ကြောင်းနဲ့ တော်လှန်ရေးတပ်တွေအကြား တိုက်ပွဲဖြစ်ပွားပြီး စစ်တပ်ဘက်က ၁၉ ဦးကတော့ အသီးသီး သေကုန်ကြတဲ့အပြင် သူတို့ဆီက လက်နက်ခဲယမ်းအချို့ကိုပါ သိမ်းဆည်းရရှိထားတယ်လို့ မိုးဗြဲမြို့နယ် အမှတ် ၁ စစ်ဒေသ က ထုတ်ပြန်လာပါတယ်။ ဗင်နီဇွဲလားနိုင်ငံမှာ လှုပ်ခတ်ခဲ့တဲ့ ငလျင်ဘေးအတွက် ကူညီကယ်ဆယ်ဖို့ အမေရိကန်က ရှာဖွေကယ်ဆယ်ရေးအဖွဲ့တွေချက်ချင်းစေလွတ်လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။