Khit Thit Afternoon News | 11 July 2026

Khit Thit သတင်းဌာန၏ ဇူလိုင် ၁၁ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၁ ရက် မနက်ပိုင်း တင်ဆက်ပေးမယ့် သတင်းတွေကတော့ -အကြမ်းဖက် မင်းအောင်လှိုင်ကို ကုန်းဘောင်အနွယ်ဝင် ဘုရင်မျိုးရိုးဆိုပြီး မြှောက်ပင့်ခဲ့တဲ့ ဒေါက်တာဖေဉာဏ် အသတ်ခံရမှုအတွက် သီတင်းတစ်ပတ်ကျော်ကြာလာတဲ့အထိ တရားခံမဖမ်းနိုင်သေး တာကြောင့် CID မှုခင်းရဲ၊ ထွေ/အုပ်နဲ့ စစ်တပ်တို့ပါဝင်တဲ့ ဌာနပေါင်းစုံ စုံစမ်းရေးအဖွဲ့ ဖွဲ့စည်းဆောင်ရွက် နေရတယ်လို့ ရဲသတင်းရင်းမြစ်တွေ က သိရှိရပါတယ်။ -ဆွစ်ဇာလန်နိုင်ငံ ဂျီနီဗာမြို့မှာ ဇူလိုင်လ ၆ ရက်နေ့က ကျင်းပခဲ့တဲ့ ရိုဟင်ဂျာမွတ်စလင်တွေနဲ့ အခြား လူနည်းစု တွေကို စစ်တပ်က လုပ်ဆောင်ခဲ့တဲ့ လူ့အခွင့် အရေးအခြေအနေဆိုင်ရာ ဆုံးဖြတ်ချက် ကို ကုလသမဂ္ဂ လူ့အခွင့်အရေးကောင်စီရဲ့ (၆၂) ကြိမ်မြောက် ပုံမှန်အစည်းအဝေးမှာ မဲခွဲဆုံး ဖြတ်ခြင်း မရှိဘဲ အတည်ပြုခဲ့တယ်လို့ လူ့အခွင့်အရေးကောင်စီက ထုတ်ပြန်ထားပါတယ်။ -မန္တလေးတိုင်း၊ မလှိုင်မြို့နယ်မှာ စစ်ကြောင်းကို တိုက်ခိုက်မှုအတွင်း အကြမ်းဖက် စစ်တပ်ဘက်က ၁၀ ယောက် သေဆုံးပြီး လက်နက် ၆ လက် သိမ်းဆည်းရရှိခဲ့တယ်လို့ မြင်းခြံခရိုင် အမှတ် ၁ တပ်ရင်းက ကိုဝမ်းတူးက ရန်ကုန်ခေတ်သစ်ကို ပြောပါတယ်။ -အမေရိကန် ကြားဝင်ညှိနှိုင်းထားတဲ့ အစ္စရေးတပ်ဖွဲ့ အဆင့်လိုက် ဆုတ်ခွာရေး မူဘောင်သဘောတူ ညီချက် ရှိနေပေမယ့်လည်း အစ္စရေးဟာ လက်ဘနွ န်တောင်ပိုင်းကို ဒရုန်းနဲ့ ဆက်လက်တိုက်ခိုက်ခဲ့ပြီး လူ ၂ ဦး ဒဏ်ရာရရှိခဲ့တဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။