Khit Thit Evening News | 11 July 2026

Khit Thit သတင်းဌာန၏ ဇူလိုင် ၁၁ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၁ ရက် ညနေပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ ပြည်သူတွေဟာ WHO က သတ်မှတ်ထားတာထက် ဆီတွေကို ပိုမိုစားသုံးနေတာတွေနဲ့ နိုင်ငံခြားငွေရရှိမှုနည်းနေတာတွေကြောင့် စားအုန်းဆီတင်သွင်းမှု လျှော့ချနေရတာဆိုပြီး အကြမ်းဖက် မင်းအောင်လှိုင်ပြောခွင့်ရ အကြမ်းဖက် ခိုင်ခိုင်စိုး ဆိုတဲ့အမျိုးသမီးက ဝန်ခံပြောဆိုလာပါတယ်။ တနင်္သာရီတိုင်း၊ မောတောင်မြို့မှာ တော်လှန်ရေးတပ်တွေဘက်က တိုက်ပွဲပြန်လည်ဖော်ဆောင်ဖို့ အသင့်ရှိနေပြီဖြစ်တဲ့အတွက် ပြည်သူတွေ လိုက်နာရမယ့် လုံခြုံရေးသတိပေးချက်တွေ ထုတ်ပြန်လာပြီး မြို့ခုခံကာကွယ်ရေး ၁ နှစ်ကျော်အတွင်းမှာတင် စစ်တပ်ဘက်က အယောက် ၅၀၀ ကျော်ကို ချေမှုန်းသုတ်သင်ရှင်းလင်းနိုင်ခဲ့တယ်လို့ BLACK COBRA COLUMN က သတိပေးထုတ်ပြန်လာပါတယ်။ ထိုင်းမြန်မာနယ်စပ် မြ၀တီမြို့နယ်မှာ အကြမ်းဖက် စစ်တပ်က KNLA ပူးပေါင်းတပ်တွေအကြား တိုက်ပွဲတွေ အပြင်းအထန် ဆက်လက်ဖြစ်ပွားနေပြီး ၊ အဲ့ဒီတိုက်ပွဲက လက်နက်ကြီးကျည်တွေဟာ ထိုင်းနိုင်ငံဘက်အခြမ်းကိုပါ ဆက်လက်ကျရောက်နေတယ်လို့ ထိုင်းသတင်းတွေရဲ့ ဖော်ပြချက်အရ သိရပါတယ်။ အရှေ့အလယ်ပိုင်းက ဟော်မုဇ်ရေလက်ကြား တင်းမာမှုအပြီး အီရန်ဘက်က ဆက်သွယ်လာမှုကြောင့် အမေရိကန်အနေနဲ့ အီရန်နဲ့ ဆွေးနွေးပွဲတွေ ဆက်လုပ်မယ်လို့ သမ္မတ ထရမ့်က ပြောလာပြီး ၊ ကနဦး သဘောတူထားတဲ့ အပစ်အခတ်ရပ်စဲရေး သဘောတူညီချက်ကတော့ ပျက်ပြယ်သွားပြီလို့ အတည်ပြုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။