Khit Thit Morning News | 11 July 2026

Khit Thit သတင်းဌာန၏ ဇူလိုင် ၁၁ ရက် မနက်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၁ ရက် မနက်ပိုင်း တင်ဆက်ပေးမယ့် သတင်းတွေကတော့ -ပြည်တွင်းမှာ CDM လုပ်ခဲ့တဲ့ ဝန်ထမ်းတွေထဲက သက်ဆိုင်ရာဌာနကို ပြန်ပြီး သတင်းပို့အသနားခံလာသူ တွေကို Blacklist ကနေ ပယ်ဖျက်ပေးသွားမှာဖြစ်ပေမယ့် "နိုင်ငံရဲ့ လူ့စွမ်းအားအရင်းအမြစ် မဆုံးရှုံး စေရေး" ဆိုတဲ့ အကြောင်းပြချက်နဲ့ ပြည်ပထွက်ခွာခွင့်ကိုတော့ ဆက်လက်ကန့်သတ် ထားမယ်လို့ စစ်တပ်က ညွှန်ကြားချက် ထုတ်ပြန်ထားပါတယ်။ -အာဆီယံနိုင်ငံတွေဟာ မြန်မာနဲ့ "တဖြည်းဖြည်းချင်း ထိတွေ့ဆက်ဆံရေး" ကို ဆောင်ရွက်လိုပေမယ့် မြန်မာခေါင်းဆောင်ပိုင်းအပေါ် ချမှတ်ထားတဲ့ အာဆီယံရဲ့ ကန့်သတ်ချက်တွေကိုတော့ ဆက်လက်ထား ရှိဦး မယ်လို့ ထိုင်းနိုင်ငံက မနေ့က ပြောလိုက်ပါတယ်။ -စစ်ကိုင်းတိုင်း၊ စစ်ကိုင်းမြို့ တပ်မ ၃၃ ကနေ မုံရွာမြို့ရှိ အနောက်မြောက်ပိုင်းတိုင်းစစ်ဌာနချုပ် (နမခ) ကို သွားရောက်တဲ့ စစ်ကောင်စီယာဉ်တန်းအတွက် လမ်းကြောင်းလုံခြုံရေးယူပေးနေတဲ့ စစ်သားတွေကို မိုင်းဆွဲတိုက်ခိုက်ခဲ့ရာ စစ်သား ၅ ဦးခန့် သေဆုံးခဲ့တယ်လို့ လင်းယုန်ညီနောင်ပြောက်ကျားတပ်ဖွဲ့က ပြောပါတယ်။ -အမေရိကန်နဲ့ အီရန်တို့ကြား တိုက်ပွဲတွေ ပြန်ဖြစ်လာပြီးနောက် ကမ္ဘာ့ရေနံတင်သင်္ဘောတွေအတွက် အရေးကြီးတဲ့ ဟော်မုဇ်ရေလက်ကြား ကို ဖြတ်သန်းတဲ့ သင်္ဘောအသွားအလာဟာ သိသိသာသာ လျော့ကျသွားတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။