🎥 Videoreportaj: Paxtakorda g‘allakorlar marrani ishonch bilan zabt etmoqda

Jizzax viloyati hokimi Ulug‘bek Mustafoyevning g‘alla hosilini sifatli parvarishlash va nes-nobud qilmasdan yig‘ib olish bo‘yicha berilgan topshiriqlari Paxtakor tumanida o‘z samarasini bermoqda. Joriy yilda 11 ming 700 gektar maydonga ekilgan g‘alladan hosil yig‘ib olish ishlariga 65 ta o‘rim kombayni, 130 nafar operator va boshqa texnik mutaxassislar jalb etilgan. Har kuni o‘rtacha 656 gektar maydondagi hosil o‘rib-yig‘ib olinmoqda. Tuman hokimining qishloq va suv xo‘jaligi masalalari bo‘yicha o‘rinbosari Marat Kubayevning ma’lum qilishicha, 3-iyundan boshlangan o‘rim-yig‘im ishlariga 245 ta g‘alla tashuvchi texnika safarbar etilgan. Bugungi kunga qadar davlat shartnoma rejasining 75 foizi bajarildi. G‘alladan bo‘shagan maydonlarda esa takroriy ekinlar ekish ishlari boshlandi. 📹 Batafsil — videolavhada tomosha qiling.