Zafarobodda g‘alladan bo‘shagan maydonlarga qo‘sh qator usulida mosh ekish ishlari davom etmoqda

🎥 Videoreportaj: Zafarobod tumanida g‘alladan bo‘shagan maydonlarga qo‘sh qator usulida mosh ekish ishlari davom etmoqda Zafarobod tumanida g‘alladan bo‘shagan maydonlarda takroriy ekinlar ekish ishlari uyushqoqlik bilan olib borilmoqda. Jumladan, S. Sindarov SIUGA qarashli «Navro‘z” fermer xo‘jaligida viloyat hokimi tashabbusi bilan zamonaviy agrotexnologiya asosida qo‘sh qator usulida mosh ekish yo‘lga qo‘yildi. Mazkur usul ekinlarni parvarishlash, sug‘orish va oziqlantirish jarayonlarini samarali tashkil etish hamda yuqori hosildorlikka erishish imkonini beradi. Shu maqsadda yer tayyorlash, urug‘ sepish va ekish ishlari belgilangan muddatlarda sifatli amalga oshirilmoqda. Mutaxassislar nazorati ostida olib borilayotgan ushbu ishlar yerdan unumli foydalanish, qo‘shimcha mahsulot yetishtirish, tuproq unumdorligini oshirish va fermerlar daromadini ko‘paytirishga xizmat qilmoqda. 📹 Batafsil — videolavhada tomosha qiling.