Videoreportaj: Sharof Rashidov tumanida g‘alla o‘rimi qizg‘in davom etmoqda

Sharof Rashidov tumanida 2026-yil hosili uchun yetishtirilgan g‘allani yig‘ib-terib olish ishlari uyushqoqlik bilan davom etmoqda. Joriy yilda tumanda 9 ming 300 gektar maydonga g‘alla ekilib, hosilni o‘z vaqtida yig‘ib olish uchun barcha zarur shart-sharoitlar yaratildi. Jumladan, “Hosilli maydon” fermer xo‘jaligida 45 gektar maydonda parvarishlangan g‘alladan har gektardan o‘rtacha 70–80 sentner, “Ilhomjon Ibrohimjon” fermer xo‘jaligida esa 50 gektar maydondan o‘rtacha 60 sentner hosil olish kutilmoqda. Mavsumni samarali tashkil etish maqsadida tumanda 22 ta o‘rim otryadi shakllantirilib, 40 ta zamonaviy kombayn va 196 ta transport vositasi jalb qilingan. Ayni kunlarda tumanning barcha hududlarida g‘alla o‘rim-yig‘imi izchil davom etmoqda. Mas’ullar tomonidan hosilni nes-nobud qilmasdan yig‘ib olish va davlat xarid rejasini o‘z vaqtida bajarishga alohida e’tibor qaratilmoqda. 📹 Batafsil — videolavhada tomosha qiling.