WANANCHI WAONYWA KUHARIBU MIUNDOMBINU YA BARABARA ZANZIBAR

Serikali ya Mapinduzi ya Zanzibar imeendelea kuwekeza katika ujenzi wa barabara za kisasa zenye miundombinu bora kwa lengo la kuboresha usafiri, usalama wa wananchi na kuchochea maendeleo ya kiuchumi. Hata hivyo, kamera ya Asam Online TV imeshuhudia baadhi ya wananchi wakifanya vitendo vinavyoharibu miundombinu hiyo, ikiwemo kung'oa mifuniko ya mitaro, kuegesha magari kwenye njia za watembea kwa miguu, kufanya matengenezo ya magari barabarani pamoja na kumwaga maji kwenye mitaro. Wananchi waliozungumza na Asam Online TV wameeleza kuwa vitendo hivyo vinahatarisha usalama wa watumiaji wa barabara, hususan watembea kwa miguu, na kuharibu miundombinu iliyojengwa kwa gharama kubwa za Serikali. Kwa upande wake, Mkurugenzi Mtendaji wa Wakala wa Barabara Zanzibar amewataka wananchi kutunza miundombinu hiyo na kuacha vitendo vya uharibifu, akisisitiza kuwa barabara ni mali ya umma na utunzaji wake ni jukumu la kila mwananchi ili ziendelee kutoa huduma kwa muda mrefu. "Linda miundombinu ya umma; maendeleo ni jukumu letu sote." #Zanzibar #Barabara #Miundombinu #UsalamaBarabarani #WakalaWaBarabara #AsamOnlineTV #ForYou #FYP #TikTokTanzania #InstaNews #TrendingNow