Khit Thit Evening News | 4 July 2026

Khit Thit သတင်းဌာန၏ ဇူလိုင် ၄ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၄ ရက် ညနေပိုင်း တင်ဆက်ပေးမယ့် သတင်းတွေကတော့ အကြမ်းဖက် စစ်တပ်ရဲ့ ရန်ကုန်တိုင်း၊ အမှတ် ၄ ဆောက်လုပ်ရေးအင်ဂျင်နီယာတပ်က ယာယီတပ်မှူး ဒုဗိုလ်မှူးကြီး အောင်ကျော်ဇော ဆိုသူဟာ မိသားစုနာမည်တွေနဲ့ ပုဂ္ဂလိကဘဏ် ၃ ခုမှာ ဘဏ်အကောင့် ၂၁ ခုဖွင့်လှစ်ထားပြီး ငွေကျပ် သိန်းပေါင်း ၃ သိန်း ၆ သောင်းကျော် အသွင်းအထုတ်နဲ့ အကျင့်ပျက်ခြစား မှုတွေ လုပ်နေတယ်လို့တပ်တွင်းသတင်းရင်းမြစ်ရဲ့ ပြောဆိုချက်နဲ့ ရန်ကုန်ခေတ်သစ်က ရရှိထားတဲ့ ဘဏ်ငွေစာရင်းအထောက်အထားတွေအရ သိရပါတယ်။ မန္ဆေလေးတိုင်း မလှိုင်မြို့နယ်မှာ အင်အား ၁၁၀ ပါ အကြမ်းဖက် စစ်တပ်စစ်ကြောင်းကို တော်လှန်ရေး တပ်တွေက တိုက်ခိုက်မှုအတွင်း စစ်တပ်ဘက်က ၂ ဦးသေပြီး စစ်သား ၁၀ ဦး လက်နက်ချအညံ့ခံတဲ့ ဖြစ်စဉ်မှာ စစ်တပ်ရဲ့လေကြောင်းတိုက်ခိုက်မှုကြားက ရွတ်ရွတ်ချွံချွံတိုက်ခိုက်ခဲ့တဲ့ အောင်မြင်မှုဖြစ် တယ်လို့ NUG စစ်ရုံးချုပ်က ဗီဒီယိုနဲ့တကွ ထုတ်ပြန်လာပါတယ်။ မန္တလေးဆိပ်ကမ်းကနေ ထွက်လာတဲ့ အကြမ်းဖက် စစ်တပ်ဘက်က စစ်သင်္ဘော ၂ စီးနဲ့ အရပ်သင်္ဘော ၂၆ စီးပါ ရေယာဉ်အုပ်စုဟာ ချင်းတွင်းမြစ်ကြောင်းအတိုင်း တက်လာတဲ့အတွက် ဒေသခံပြည်သူတွေ သတိပြုနေထိုင်ကြဖို့ကိုလည်း ချင်းတွင်းမြစ်ကမ်းဘေး ကျေးရွာများသပိတ်ကော်မတီနဲ့ ဒေသခံ သတင်းရင်းမြစ်တွေက ပြောပါတယ်။ အမေရိကန်သမ္မတ ထရမ့်ရဲ့ “ဆုံးဖြတ်ချက်မပြတ်သားသူ’’ ပုံစံက ဈေးကွက်တွေနဲ့ မဟာမိတ်နိုင်ငံ တွေကို မသေချာမရေရာမှုတွေ ဖြစ်စေပြီး ကမ္ဘာတစ်ခုလုံး ကမောက်ကမ ဖြစ်စေတယ်လို့ ဝေဖန်သူ တွေက ပြောလာကြတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။