Khit Thit Evening News | 13 July 2026

Khit Thit သတင်းဌာန၏ ဇူလိုင် ၁၃ ရက် ညနေပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၁၃ ရက် ညနေပိုင်း တင်ဆက်ပေးမယ့် သတင်းတွေကတော့ မြန်မာနိုင်ငံမှာ အကြမ်းဖက် မင်းအောင်လှိုင်ရဲ့ ဆီခွဲတမ်းလျှော့ချမှုကြောင့် ဖြစ်ပေါ်လာတဲ့ စားအုန်းဆီဈေး တဟုန်ထိုးမြင့်တက်မှုအပေါ် ဖမ်းဆီးအရေးယူဖို့ကိုပါစစ်တပ်က အမိန့်ထွက်လာပြန် တဲ့အတွက် ဆီဈေးကွက်နဲ့ ကုန်သည်တွေ ဝရုန်းသုန်းကားဖြစ်ပေါ်နေတယ်လို့ ဆီကုန်သည်အသိုင်း အဝိုင်းက ရန်ကုန်ခေတ်သစ်ကို ပြောပါတယ်။ NUG နဲ့ အင်အားကြီးတိုင်းရင်းသား လက်နက်အဖွဲ့တွေ ပူးပေါင်းဖွဲစည်းထားရာ SCEF နဲ့ CDM အဖွဲ့ ၈ ခု တွေ့ဆုံပြီး CDM နိုင်ငံ့ဝန်ထမ်းများ တာဝန်ထမ်းဆောင်နိုင်ရေးနဲ့ လုံခြုံရေး ခိုင်မာတဲ့ အာမခံချက်တွေရှိစေဖို့ အပါအဝင် အချက် ၉ ချက် တင်ပြတောင်းဆိုခဲ့တယ်လို့ ဒေသဆိုင်ရာ CDM အဖွဲ့အစည်းတွေက သတင်းထုတ်ပြန်လာပါတယ်။ -မြန်မာနိုင်ငံက မူးယစ်ဆေးဝါးတွေကို အိန္ဒိယနိုင်ငံ အရှေ့မြောက်ပိုင်းကနေ တစ်ဆင့် သယ်ယူဖို့အတွက် မှောင်ခိုသမားတွေက အမျိုးသမီးတွေနဲ့ ကလေးသူငယ်တွေကိုပါ အသုံးချနေတယ်လို့ အိန္ဒယနိုင်ငံ ရာဇဝတ်မှုစုံစမ်းစစ်ဆေးရေးဌာန CID ကနေ အတိအလင်း ထုတ်ဖော်ပြောဆိုလာပါတယ်။ ပြင်သစ်နိုင်ငံမှာ အပူလှိုင်းကြောင့် နျူကလီးယားဓာတ်ပေါင်းဖို ၃ ခု ပိတ်ထားရပြီး နောက်ထပ် ၈ ခုကိုလည်း လျှပ်စစ်ထုတ်လုပ်မှု လျှော့ချလိုက်ရတဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။